Popular Bible Verses from BUṮERUS ’DE/ 3

Share

hili eya dum bum mo tani tuḵi aḴrisṯẖos me’d Tap̱a mo. Isa yempa/ mo tani um mini thoson is mo mmota iman’ce’d gwo she/ mo gom ma gom ’kwani gunn kun yuḵki um mo mmoc̱i gwo goma ’teŋ kap̱e/ jin di’d e um mo, hili miiyi a’di ka du jin ’thup̱u e mo dhali ka tuḵ jin tuḵu/ mo. Dhali dhuyi ’twa/ ma dum bum ki dhelel dhelel mo, wakan waḵki/ um minu ’taki sor mo tani uni gwansan kun sorki um mo goma nyoŋ bum jin nyoŋa um is ki ’bore/ mo eya Ḵrisṯẖos mo tani uni minu dhu ki mo ma ’the is mo be.

Haali/ e gi Tap̱a a’di di’d ap̱o/ uni gun mii miiŋḵar/e mo dhali ’cem piti ḵa’dkina a’di mo gom mon’thom buni mo be. Hili bwam/e gi Tap̱a diki’da p̱o/ uni gun miiki tonthus mo.

Hili dhalku/ ki dhal miim bum mmota ji ma p̱or ma pije/ mo gom tom bum kun hidha um i is mo ka mur jin ṯo’du mo, dhali mmonyoŋ ’dolkon gana/ mo dhali hi’th burrinyem p̱o/ mo, Dhali hili dhalki a’di ta’da ciŋ kamu/ jin bagu mo jin ta’da du mo ki wosh dhel jin moli p̱u/ mo jin ta shi/in jin ’thup̱a e mo dhali jin di’d ki shwam mo, a’di jin ta yintho/ ki yintho/ mo e bwambori jis/e ma Arumgimis mo.

Haali/ me’d gwo jin ’kwarkunu mo ki: A’di jin midi ’taki en mondiki/e mo dhali p̱ar ateem ’borga/ e mo tani dhalki a’di noni’da le’d piti ’peni tonthus mo dhali ’twam piti ’peni mo jin onu gwo ma maḵ mo. Dhalki a’di ṯu’kki’d mo ’peni tonthus mo dhali mii miim ’boro’d mo dhali dhalki a’di simm moŋḵu’th is e mo dhali ur a’di isho’k mo.

Ḵwalany ’te/ be. Aris umi ’baar mo, tayi gi mo jin gamu gwo me’d e shi/in mo, dhali ḵoci e mo, dhali eni iwaḵ bum mo, dhali tayi ka duŋ ’ka’dga/ mo dhali bwa kun dhunu ki gwa’d mo. Dhalku/ ki raḵ tonthusi bway mo gom tonthus mo walla dhalka sor ki raḵi bway mo goma sor jin soru mo. Hili ap̱o/ mii yan ki c̱a’ckon mo tani ’boriya ’bor mii mo haali/ gom mii yan mo tani um yuḵkunu mo ki um mini ’taki bu’th mo jin ’boruwa ’bor mii mo be.

Dhali kaja di’di mmoshi/ um mo waḵki/ um shwana miiŋ gana/ anyor ki thiṯẖ mo?

Dhalki a’di ṯu’kki’d mo ’peni tonthus mo dhali mii miim ’boro’d mo dhali dhalki a’di simm moŋḵu’th is e mo dhali ur a’di isho’k mo.

Haali/ a’di ’boro’d ki ’bor gana/ mo mmo’kosh is ka nyor mo gom miiŋ gana/ mo waḵki/ a’di midi ’taki ta bwa ma Arumgimis mo mmobol mii jin ṯẖudhu mii e mo.