Popular Bible Verses from BUṮERUS ’DE/ 2

Share

Hili um ta emen kun kwanykunu mo dhali imanmii mii ma gasiis jin waki ji ma maliḵ mo, dhali um ta kal gi ’kwani kun ḵogu mo, dhali um ta ’kwani ma Arumgimis ki is pitiŋ gana/ mo, ki um mini bah eya tente/ mo miim ’borgam piti mo, a’di jin yuḵki um mo ’peni bwam mondhurumi’d mo e moŋkush piti jin ta momer mo.

A’di a’di ki is piti ḵalki miinthus bana e is piti mo ap̱o/ cwa mo, ki ana mina ’taki wu miinthus mo dhali ’ko ki e mo e mo ma ḵar/e mo. Ki jamam piti jin dorkunu a’di mo tani um wac̱kunu mo be. Haali/ um iikini per mo me’d ḵa’bal mo, hili shwane/ um doḵkin ka nyaŋ’ko’d mo eya Manhil Ḵa’bal mo dhali Amanjiya ḵashiram bum mo be.

Nṯwa/a/ mo tani um ’koki ta ’kwani mo, hili shwane/ um ta ’kwani ma Arumgimis mo. Nṯwa/a/ mo tani um ’koki bu’th mo jin miinu mii mo, hili shwane/ um bu’thki momiimii mo be.

Me’d usha ŋam ’pereny kun daḵa dhodhu mo tani oyi bwa mo goma ko mo jin ta to gi shi/in jin dheleli’d mo. Ki a’di mo tani um mini ca mo e bway gi mowoṯẖ mo.

Um gun enu mo, aha/ yuḵa um mo me’d ’kwani kun ’kon ka pije/ mo ’peni bampaŋ kamu/ mo dhali me’d uni kun ’kon e bwaman ’kwanin tiya mo, mmoga/ mii kun dhunu e ki ’thir ’thir mo gi shuman is mo jin ta to jin aski’da asa p̱owa ḵashiram bum mo. Hali miim ’borga/ mo mmonyoŋ is mo e bwaman ’kwani kun ’koki ta ’Kwani Yahuuda/ mo, wakan waḵki/ uni mini ’taki o gwo ap̱o/ um mo me’d imanṯẖu’th to mii mo tani uni mini ’taki p̱ar miim ’borgam bum e mo dhali kara Arumgimis ki ca mo eya tee gi mowoṯẖ mo be.

Dhali me’d wosh kun ’ko ki e mo tani tayi um ki is bum kun minu nyaŋ mo mmota gu’b gi to gi shi/in mo, mmota uni gun mii mii ma gasiis kun ḵogu mo, mmoc̱i to kun ’ciṯẖu/ ’kus mo kun ta gi shi/in mo kun mishu bu’th ka Arumgimis eya Yesus Ḵrisṯẖos mo be.

Wakan dhuyi aris mii kun dup̱uwa dup̱i e ’pen ka pije/ mo dhali arisa maḵ mo dhali mii kun ta washila/ mo dhali miin dhap̱an mo dhali arisa thu’th ’pen kun thudhu mo.

Iiyu/ i a’di mo, a’di jin ta wosh yin jin di ki e mo, a’di jin waḵkina ’kwani mo, hili e jis/e ma Arumgimis mo tani a’di kwanykunu mo dhali a’di ta yintho/ ki yintho/ mo.

Tayi ’kwani kun ’kon ki ’kus mo, hili ki dar gi mii jin mina umi bu’th mom bum jin ’kona um ki ’kus mo mmota mii jin diḵ mii gun miina um kun ta thus mo. Hili ’koyi me’d uni kun ta imanmii to goma Arumgimis mo.

Haali/ a’di ta bwa ma Arumgimis mo ki um ki miim ’borgam bum mo kun miina um mo tani mini mu’th ’twa/ gi ’kwanim p̱ali/ mo dhali miim p̱us buni mo.