Popular Bible Verses from YOHAAN ’DE/ 3

Share

Ushi uc̱iya, dhalkina ki en ki gwo mo walla ka le’d mo hili ki mii mo dhali ki gwoŋ gana/ mo be.

Gom a’di yan kan mo tani ana misha mo/en mo ki a’di karki mondiki/em piti a’cesh mo gom ana mo dhali ana ḵa ba/ imina mii dhu moŋ’koki/em bana mo gom iwaḵ mo ba/.

Hili mo/en ma Baba jin c̱ikunu ana mo ki ana minu yuḵ ki uc̱i ma Arumgimis mo. Dhali wakan ana tana uni mo be. A’di ta ’kup̱ gwo jin ’kona ’kwaniny’cesh ki mish ana mo haali/ uni ’koki mish a’di mo be.

A’di jin di’d mo mmomii miinthus mo tani a’di ta ji gi tap̱a ma ruma ’cesh mo, haali/ tap̱a ma ruma ’cesh a’di miiki miinthus ’peni ka muŋ’kup̱ mo. A’di ta ’kup̱ gwo jin ṯoru Ya/ ma Arumgimis eya tente/ mo mmo’ce’d mii gi tap̱a ma ruma ’cesh sho’k mo be.

Wathin ’de/ jin dhodhu ’peni Arumgimis mo tani a’di diki di mo mmomii miinthus mo, haali/ buyempa ma Arumgimis c̱a’bki’d e a’di mo, dhali a’di mol di mo mmomii miinthus mo haali/ a’di dho’thkunu ’peni Arumgimis mo be.

Hili waḵki/ macin ’de/ yin jin ta gi to ga ’cesh mo dhali hila kam piti ki e mo e to jin mina a’di mii ta mo tani hili a’di ki mutha dum piti ap̱o/ a’di mo tani mo/en ma Arumgimis midi c̱a’bi a’di kata mo?

Dhali aris uni gun dhu gwoŋḵan piti kun ’kwarkunu mo tani ’ko e a’di mo dhali a’di e uni mo. Dhali gom gwo gi wakan mo tani ana misha mo mo ki a’di c̱a’bki’d e ana mo ki Shi/in piti jin c̱ikina a’di ana mo be.

Gom mii yan kan mo tani a’di iminu mish mo mo eya tente/ mo gom uni gun ta uc̱i ma Arumgimis mo be dhali gom uni gun ta uc̱i gi Tap̱a ma ruma ’cesh mo: A’diyin jin diki di mo mmomii miim ’boro’d mo tani a’di ’peni Arumgimis yisa walla a’di jin diki ena kam piti mo.

Haali/ a’di yansan ita gwo jin ciḵkina um ’peni ka muŋ’kup̱ mo ki ana mina en ka rem ’kup̱ mo be

Dhalku/ ki mer mo ma, iwaḵ pem, ki um shina ’kwaniny’ceshi e mo.