Popular Bible Verses from YOHAAN ’DE/ 2

Share

Dhalku/ ki en mony’cesh mo ma walla to kun ’kon e mony’cesh mo. Waḵki/ wathiŋ kamu/ eni mony’cesh mo tani mo/en goma Baba diki di e a’di mo be. Haali/ aris to ’baar mo kun ’kon e mony’cesh mo kun ta mon’dap̱ e gi buŋgwar is mo dhali mon’dap̱ e gi e mo dhali mii mmodhu is ki ca mo tani a’di diki di ’pena Baba mo hili a’di ta jany ’cesh mo be.

Dhali mony’cesh peki’d mo dhali mon’dap̱ em piti mo, hili a’di jin mii’d ki bwa ma Arumgimis mo tani a’di c̱a’bki’d ki sule/ sule/ ya ye ’ba/ mo be.

A’di jin o gwo mo ki a’di c̱a’bki’d e a’di mo tani ḵa ya’d e bwaya ’de/ jin yana a’di mo ba/.

Ushi uc̱im pema, aha/ ’kwarkina um gwo yansan mo ki um mini ’koki mii miinthus mo be. Hili waḵki/ wathiŋ kamu/ mii miinthus mo tani ana tana ka Manmalas mo nyaḵka Baba mo, aYesus Ḵrisṯẖos jin ta’da ḵar/e mo

A’di c̱aan jin o gwo mo ki: Aha/ misha a’di mo, ihili ush gwoŋḵan piti kun ’kwarkunu ha e mo tani a’di ta’da ṯor mo be dhali gwoŋ gana/ yisa di’da e a’di mo.

Dhali gom a’di yan kan mo tani ana mina mish mo mo ki ana misha a’di mo waḵki/ ana dhuna gwoŋḵan piti kun ’kwarkunu mo be.

A’di jin o gwo ki a’di di’d e moŋkush mo dhali shi/a kam piti i e mo tani a’di di’d e mondhurumi’d naskina/ mo be.

Kaja a’di jin ta’da ṯor mo hili a’di jin waṯki gwo mo ka Yesus ta’da Ḵrisṯẖos mo. Yan ta’da ḵrisṯẖos jin diki ta jiŋ gana/ mo a’di jin waṯki’da Baba gwo mo dhali Ya/ mo.

A’din ’deŋ kamu/ jin waṯki Ya/ mo tani a’di diki ta ga Ababa mo. A’di jin piki gwo gom Ya/ mo tani a’di ta’d ga Ababa mo si’da/.