Popular Bible Verses from Mwanduso 27

Share

Nomlomba Imulungu yakuhulumsile litungwe kulawa kulanga, akwing'e lidongo linoghe, ipfijo ne idipfai! Makabila ghasokutumikila, na iwanu watsokutowela ghamaghoti. Kutsowatawala ndughu tsako, na iwana wa mai wako watsotowa ghamaghoti hambele hako. Iwanu iwatsokulani watsolanighwa, na iwanu wala iwokubaliki watsobalikiwa.”

Esau kalonga, “Ayu ghendo taghwa lyake Yakobu. Kanibugha mala mbili, tanu tsakasola haki yangu ya mwana chaudele, na sambi kasola balaka yangu!” Kuya kamghutsa aba wake, “Lelo ng'undekele balaka baye na nene?”

Kuya Isaka kamwidika, “Kaye yako itsokuwa kutali na lidongo linoghile, na kutsokala kutali na tungwe lya kulanga. Kutsokala kwa lipanga lyako, na kutsomtumikila ndughu yako. Lekeni hautsoswekuka, ngutsolongosighwa naye keli.”

Esau kamlongela aba wake, “Aba wangu, apfi kwahela balaka ingi? Unibaliki na nene!” Kuya Esau kalila ng'ani.