Popular Bible Verses from Oˉ kʼoˍ pui ve li‸ 26

Share

Ngaˬ nawˬ hui geh chehˇ taˍ ve yoˬ. Ngaˬ lehˬ nawˬ hui ve Gʼuiˬsha hpeh‸ leh, nawˬ hui lehˬ ngaˬ ve chaw hpeh‸ ve yoˬ.

awˬ shiˍ awˬ nu teˇ hpaˍ da‸ la tuˬ leh, iˉ shiˍ cehˬ teˇ hpaˍ iˉ shiˍ maˇ maˇ naw‸ la tuˬ, ngaˬ lehˬ awˬ yanˇ cawˇ cawˇ mvuhˇ yeˬ laˬ piˇ tuˬ yoˬ.

Nawˬ hui lehˬ ngaˬ ve awˬliˇtawˇhkawˇ teˇ hpaˍ hta‸ hkʼa deh‸ na yuˬ leh te chehˇ ve kʼo

Ngaˬ lehˬ nawˬ hui ve mvuhˇmiˬ hta‸ gawˬ lehˍ cawˬ la piˇ leh, nawˬ hui zuh‸ mehˬ kʼa mehˬ cawˬ tuˬ yoˬ. Nawˬ hui ve mvuhˇmiˬ hkʼaw chehˇ ve haiˬ ve to nuˇ to shaˆ teˇ hpaˍ hta‸ ngaˬ gʼa‸ kʼoˬ piˇ leh, mvuhˇmiˬ gawˬ lehˍ cawˬ tuˬ yoˬ.

Ngaˬ nawˬ hui hta‸ awˬ bon na‸ laˇ leh, nawˬ hui awˬ yaˇ awˬ duˬ maˇ maˇ cawˬ la tuˬ yoˬ. Ngaˬ nawˬ hui hta‸ te piˇ taˍ ve ka ti‸ hta‸ ngaˬ hkʼaˬ htaˆ ka‸ dawˇ nawˇ chehˇ tuˬ yoˬ.

Nawˬ hui shu ve awˬ ceˬ maˇ gʼa kʼaw‸ te tuˬ ngaˬ nawˬ hui hta‸ Eˇjiˇtu‸ mvuhˇmiˬ hkʼaw shiˍ tawˆ laˇ taˍ peuˬ ve yoˬ. Nawˬ hui hta‸ nyiˉ tiˍ taˍ ve kanˇ paˆ hta‸ ngaˬ te luˬ leh, nawˬ hui hta‸ awˬ me‸ awˬ hponˇ kʼaw‸ cawˬ la piˇ taˍ peuˬ ve yoˬ, teh‸ Gʼuiˬsha kʼoˆ ve yoˬ.

Ngaˬ lehˬ da‸ kehˬ ve aˉ po kʼo bon yehˬ hkʼaw chehˇ taˍ ve yoˬ. Nawˬ hui hta‸ teˇ pawˆ ka‸ baˬ taˉ laˇ tuˬ ve maˇ heˆ.

Gʼuiˬsha kʼoˆ ve, Nawˬ hui oˉ kʼoˍ pui tuˬve shaˉ ho‸, haˉ pui hkuiˉ daw leh awˬ nu ve awˬ ceuˬ teˇ hpaˍ hta‸ maˇ gʼa te. Ngaˬ lehˬ nawˬ hui ve Gʼuiˬsha hpeh‸ ve yoˬ.

Nawˬ hui awˬ shiˍ awˬ nu gʼa maˇ jaˇ leh, teˇ hkʼaw‸ awˬ pon caˇ law‸ tuˬ yoˬ. Awˬ shiˍ awˬ nu awˬ suhˉ kʼaw‸ gʼeu‸ jaw‸ ve pa taw, caˬ piˍ teˇ hpaˍ hta‸ gʼa yuˬ baˬ tuˬ yoˬ.

Nawˬ hui chaw ngaˇ gʼaˇ tiˉ cawˬ ve htawˇ, chaw teˇ ha gʼaˇ hta‸ bawˆ gʼaˇ leh, chaw teˇ ha gʼaˇ tiˉ cawˬ ve htawˇ canˇ paˍ teˇ meunˍ gʼaˇ hta‸ bawˆ gʼaˇ tuˬ yoˬ.

Nawˬ hui ve awˬ shiˍ awˬ nu teˇ hpaˍ cawˬ maˇ jaˇ ve pa taw, awˬ shiˍ awˬ nu oˇ ve teˇ hpaˍ hta‸ gʼeu‸ jaw‸ maˇ peuˬ sheˍ ka‸, a pehˉ meuˇ shiˍ kʼaw‸ shaˉ yanˇ gaˬ la tuˬ yoˬ. A pehˉ meuˇ shiˍ shaˉ maˇ peuˬ sheˍ ka‸, caˬ ti ve awˬ yanˇ kʼaw‸ gaˬ la tuˬ yoˬ. Nawˬ hui hkʼa bvuhˆ gʼa caˇ gʼa dawˬ leh, mvuhˇmiˬ hkʼaw gawˬ lehˍ gʼa chehˇ tuˬ yoˬ.

Nawˬ hui ve canˇ paˍ teˇ hpaˍ hta‸ nawˬ hui bawˆ gʼaˇ tuˬ yoˬ.

Bon pawehˇ teˇ hpaˍ hta‸ hkʼa deh‸ te leh, ngaˬ hta‸ oˉ kʼoˍ pui kuiˬ hta‸ yawˆ yan-o. Ngaˬ lehˬ Gʼuiˬsha hpeh‸ ve yoˬ.