Popular Bible Verses from Heˍbrehˇ li‸ 3

Share

Venˇbaˆ heˍ yuˬ beˬ yuˬ ve teˇ ceuˬ hta‸ pa taw nawˬ hui awˬ hkʼaw lo teˇ gʼaˇ ka‸ nyi ma maˇ gʼa heh kʼai tuˬ, ya‸ nyi teh‸ kʼoˆ hpeh‸ ve awˬ yanˇ awˬ hkʼaw lo, teˇ nyi le le nawˬ hui teˇ gʼaˇ leh teˇ gʼaˇ awˬ gʼaˇ piˇ da‸-o‸.

Awˬ viˉ awˬ nyi teˇ hpaˍ-oˬ, nawˬ hui awˬ hkʼaw lo haiˬ ve leh maˇ yonˍ puiˉ ve nyi ma maˇ gʼa cawˬ tuˬ shaˍ ti‸ te-o. Chi hkʼe ve nyi ma lehˬ, nawˬ hui leh te‸ chehˇ ve, Gʼuiˬsha hta‸ hpaˆ da‸ piˇ puiˉ ve yoˬ.

Awˬ hkuiˉ puiˍ htaˇ ka‸ ngaˬ hui nyi ma yeˬ ve hkʼe, awˬ leh meuˇ hkʼa gaˬ nyi ma hkʼa deh‸ yeˬ taˍ ve kʼo, ngaˬ hui Hkri‸ hta‸ caˉ da‸ ve chaw hpeh‸ ve yoˬ.

heh puiˉ hkʼaw lo ngaˬ hta‸ lawˇ nyi leh nyi ma zuhˆ tuˬ te laˇ ve awˬ nyi teˇ nyi hkʼa shuˍ shuˍ, nawˬ hui ve nyi ma taˇ heh piˇ.

Hkʼe te leh, mvuhˇ naw ma hkʼoˆ lo kuˬ yuˬ ve awˬ bon hta‸ ngaˬ hui geh hkʼa geh gʼa ve, da‸ ve kehˬ ve awˬ viˉ awˬ nyi teˇ hpaˍ-oˬ, Yeˍsuˆ hta‸ dawˇ nyi-o. Yawˇ lehˬ, ngaˬ hui yonˍ taˍ ve teˇ ceuˬ awˬ hkʼaw lo tcuh yaˇ leh paw hkuˇ lonˉ hpeh‸ ve yoˬ.