Popular Bible Verses from Heˍbrehˇ li‸ 2

Share

Awˬ lawn kʼo, yawˇ awˬ to tu‸ ve hkanˍ ve leh beˬ ve lawˇ ve hta‸ gʼa hkanˍ jaw peuˬ ve pa taw, beˬ ve lawˇ ve hta‸ gʼa hkanˍ ve chaw hui hta‸ yawˇ ga piˇ hpeh‸ ve yoˬ.

Hkʼe te leh, awˬ yaˇ awˬ duˬ oˇ ve teˇ hpaˍ awˬ suhˍ awˬ shaˍ pfuhˇ ve pa taw, yawˇ htawˇ oˇ ve hkʼa shuˍ shuˍ awˬ suhˍ awˬ shaˍ pfuhˇ ve yoˬ. Aˬ hto‸ ma pa taw le teh‸ kʼoˆ kʼo, yawˇ suh ve awˬ hkʼaw lo, suh ve teˇ ceuˬ awˬ hkʼoˆ kanˇ paˆ cawˬ ve neˇhaiˬ hta‸ te luˬ tuˬ maˇ kʼoˆ

Chi hta‸ pa taw, ngaˬ hui gʼa kaˇ taˍ peuˬ ve tawˇ hkawˇ teˇ hpaˍ awˬ hkʼaw lo maˇ gʼa jiˆ tawˆ-e tuˬ, tawˇ hkawˇ oˇ ve teˇ hpaˍ hta‸ leuˉ leh hkʼa deh‸ na yuˬ-o‸.

Hkʼe te leh, yawˇ lehˬ Gʼuiˬsha awˬ pon kanˉ te ve awˬ hkʼaw lo, ha kʼaˉ puiˉ jaˇ leh ka ti‸ yeˬ ve paw hkuˇ lonˉ hpeh‸ leh, chaw yaˇ hui ve venˇbaˆ hta‸ hpehˇ hkʼa tuˬ awˬ pon yawˇ awˬ to tanˇ hpeh‸ tuˬ, teˇ ceuˬ le le awˬ hkʼaw lo yawˇ ve awˬ viˉ awˬ nyi hui hkʼa shuˍ shuˍ yawˇ gʼa hpeh‸ la ve yoˬ.

Ya‸ hkʼaˇ, ngaˬ hui Yeˍsuˆ hta‸ gʼa mawˬ ve yoˬ. Yawˇ hta‸ mvuhˇ naw ma tcuh yaˇ teˇ hpaˍ awˬ hawˉ lo a ciˉ ceh tiˉ nehˬ piˇ leh, suh ve awˬ hkʼaw lo gʼa tu‸ gʼa hkanˍ ve pa taw, da‸ ve awˬ meh leh awˬ me‸ awˬ hponˇ, shi uˉ tcuhˍ hkʼe yawˇ hta‸ hkʼawˆ piˇ taˍ ve yoˬ. Gʼuiˬsha ve awˬ bon hta‸ pa taw, chaw hkʼa peu-eˬ awˬ pon suh ve hta‸ yawˇ gʼa hkanˍ ve yoˬ.