Popular Bible Verses from Yeˍsaˍkeˍlaˆ li‸ 34

Share

Mehˉ kʼai taˍ ve yawˬ teˇ hpaˍ hta‸ ngaˬ gʼa‸ ca leh, hpaw toˇ chehˇ ve yawˬ teˇ hpaˍ hta‸ htawˇ ngaˬ shiˍ hkʼaw‸ veu laˇ piˇ tuˬ yoˬ. Hkʼaw kuiˬ naˬ kuiˬ cawˬ ve teˇ hpaˍ hta‸ ngaˬ peh piˇ leh, naˬchehˇ ve teˇ hpaˍ hta‸ngaˬ gu na-e piˇ tuˬ yoˬ. Ya‸ hkʼaˇ, chu leh awˬ gʼaˇ uiˍ ve teˇ hpaˍ hta‸ ngaˬ te luˬ piˇ tuˬ yoˬ. Awˬ lawn kʼo, ngaˬ lehˬ da‸ ve kanˉ hta‸ tiˉ te ve yawˬ hawˉ paˍ hpeh‸ ve pa taw yoˬ.

Yawˬ hawˉ paˍ teˇ gʼaˇ lehˬ hpaˆ da‸ kʼai taˍ ve yawˬ teˇ hpaˍ hta‸ teˇ geh gʼa‸ hpoˆ piˇ ve hkʼe, ngaˬ lehˬ yawˬ teˇ hpa hta‸ oˇ hkʼe te piˇ tuˬ yoˬ. Naˆ ho‸ leh kawˆ tuˬ uiˍ ve awˬ nyi teˇ nyi htaˇ, hpaˆ da‸ kʼai taˍ ve yawˬ teˇ hpaˍ hta‸ ngaˬ kʼaw‸ shiˍ hkʼaw‸ veu laˇ piˇ tuˬ yoˬ.

Ngaˬ Gʼuiˬsha nawˬ hui hta‸ chi hkʼe kʼoˆ laˇ ve yoˬ. Ngaˬ awˬ to ngaˬ ve yawˬ teˇ hpaˍ hta‸ kʼaw‸ nyi kʼaw‸ ha‸ shaˉ piˇ tuˬ yoˬ.

Ngaˬ lehˬ ngaˬ ve yawˬ teˇ hpaˍ ve yawˬ hawˉ paˍ hpeh‸ leh, yawˇ hui awˬ pon gʼaˇ jehˇ kuiˬ ca piˇ tuˬ yoˬ. Ngaˬ Gʼuiˬsha chi hkʼe kʼoˆ taˍ peuˬ ve yoˬ.

Ngaˬ caˍ piˇ taw piˇ taˍ ve ngaˬ ve yawˬ teˇ hpaˍ-oˬ, nawˬ hui lehˬ ngaˬ ve chaw hpeh‸ leh, ngaˬ lehˬ nawˬ hui ve Gʼuiˬsha hpeh‸ ve yoˬ, teh‸ Gʼuiˬsha kʼoˆ ve yoˬ.

Chaw yaˇ-oˬ, Iˉsaˍreˍlaˆ chaw hui ve awˬ hoˉ awˬ naˬ teˇ hpaˍ hta‸ hkeu piˇ-oˆ. Ngaˬ Gʼuiˬsha kʼoˆ laˇ chehˇ ve tawˇ chi teˇ hpaˍ yawˇ hui hta‸ kʼoˆ maˍ piˇ-oˆ. Iˉsaˍreˍlaˆ ve yawˬ hawˉ shehˍ hpaˇ teˇ hpaˍ-oˬ, nawˬ hui gʼa dawˇ haˍ jaˇ tuˬ yoˬ. Nawˬ hui lehˬ a shu yawˇ awˬ to hta‸ ha‸ shaˉ piˇ chehˇ ve htawˇ, yawˬ teˇ hpaˍ hta‸ maˇ ha‸ shaˉ piˇ.