Popular Bible Verses from Aˍmoˆ li‸ 2

Share

Gʼuiˬsha kʼoˆ ve, Iˉsaˍreˍlaˆ chaw teˇ hpaˍ teˇ hkui teˇ hkui venˇbaˆ te chehˇ ve yoˬ. Chi hta‸ pa taw, ngaˬ yawˇ hui hta‸ awˬ tehˬ awˬ na ciˍ yanˍ piˇ tuˬ yoˬ. Yawˇ hui lehˬ, jeˬ kʼaw‸ shaiˍ laˇ maˇ gʼa ve hteˇ ve cawˇ ve chaw hui leh, hkuiˉ nuˆ teˇ ceh awˬ pon ceh ka‸ awˬ hpfuhˇ kʼaw‸ shaiˍ laˇ maˇ gʼa ve haˍ ve gʼawˇ ve chaw hui hta‸ hawˇ baˬ ve yoˬ.

Gʼuiˬsha kʼoˆ ve, Yuˇda‸ chaw teˇ hpaˍ teˇ hkui teˇ hkui venˇbaˆ te chehˇ ve yoˬ. Chi hta‸ pa taw, ngaˬ yawˇ hui hta‸ awˬ tehˬ awˬ na ciˍ yanˍ piˇ tuˬ yoˬ. Yawˇ hui lehˬ, ngaˬ piˇ taˍ ve tawˇ hkawˇ teˇ hpaˍ hta‸ maˇ na yuˬ leh, ngaˬ ve awˬliˇtawˇhkawˇ teˇ hpaˍ hta‸ baˬ taˉ peuˬ. Yawˇ hui ve awˬ puˍ awˬ pi teˇ hpaˍ hkʼa shuˍ, yawˇ hui htawˇ maˇ heˆ heˆ ve gʼuiˬsha teˇ hpaˍ hta‸ oˉ kʼoˍ pui leh ya‸ kʼaw ya‸ kʼai peuˬ.

Yawˇ hui lehˬ, gʼaˇ nuˇ shaˉ nuˇ ve chaw hui leh dawˇ tui‸ gaˇ tui‸ ve chaw hui hta‸ naˆ tinˍ taˍ leh, haˍ ve gʼawˇ ve chaw hui hta‸ ya‸ kʼaw hkʼoˆ lo ca‸ baˬ ve yoˬ. Awˬ pa leh awˬ yaˇ paˍ nyiˇ gʼaˇ gʼaˇ ka‸, awˬ ceˬ ma teˇ gʼaˇ tiˉ hta‸ haˉ chawˇ te ve hkʼaw, ngaˬ ve da‸ kehˬ ve awˬ meh hta‸ cha‸ chiˆ tuˬ te ve yoˬ.