Popular Bible Verses from 1 Hteˇsaˍlawˇniˆ li‸ 5

Share

Hkʼaˬ htaˆ ka‸ ha lehˬ chehˇ-oˆ. Hkʼaˬ htaˆ ka‸ bon lawˬ tcuhˉ taˍ-o‸. Teˇ ceuˬ le le awˬ hkʼaw lo Gʼuiˬsha hta‸ chiˇ mvuh chehˇ-oˆ. Awˬ lawn kʼo, chi hkʼe te tuˬ nawˬ hui awˬ pon Yeˍsuˆ Hkri‸ awˬ hkʼaw lo Gʼuiˬ sha ve a loˍ cawˇ ve yoˬ.

Dawˇ sha piˇ shehˍ hpaˇ Gʼuiˬsha lehˬ, nawˬ hui hta‸ teˇ ceuˬ le le awˬ hkʼaw lo da‸ la kehˬ la piˇ-oˆ. Ngaˬ hui ve Jawˇ mawˇ Yeˍsuˆ Hkri‸ kʼaw‸ ya‸ la ve teˇ yanˇ, nawˬ hui ve nyi ma, co ha leh awˬ to biˇ chehˇ ve awˬ hkʼaw lo venˇbaˆ taˍ kuiˬ maˇ cawˬ tuˬ, Gʼuiˬsha nawˬ hui hta‸ ha‸ shaˉ piˇ-oˆ. Nawˬ hui hta‸ kuˬ yuˬ shehˍ hpaˇ lehˬ, ka ti‸ yeˬ leh, nawˬ hui hta‸ chi hkʼe te laˇ tuˬ yoˬ.

Shu haiˬ ve teˇ ceuˬ te laˇ ve teˇ yanˇ, nawˬ hui teˇ gʼaˇ ka‸ haiˬ ve teˇ ceuˬ maˇ gʼa kʼaw‸ te hkʼaw‸ piˇ tuˬ shaˍ ti‸ te-o. Nawˬ hui teˇ gʼaˇ leh teˇ gʼaˇ hta‸ maˇ kʼoˆ, chaw hkʼa peu-eˬ hta‸ maˇ kʼoˆ, hkʼaˬ htaˆ ka‸ da‸ ve teˇ ceuˬ hta‸ te tcuhˉ taˍ-o‸.

Hkʼe te leh, chi beu‸ nawˬ hui te chehˇ ve hkʼe, teˇ gʼaˇ leh teˇ gʼaˇ awˬ gʼaˇ piˇ da‸ leh, teˇ gʼaˇ leh teˇ gʼaˇ uiˍ la yeˬ la tuˬ te da‸-o‸.

Awˬ viˉ awˬ nyi teˇ hpaˍ-oˬ, ngaˬ hui nawˬ hui hta‸ awˬ gʼaˇ chi hkʼe pe‸ laˇ ve yoˬ. Kanˉ maˇ te ve chaw teˇ hpaˍ hta‸ shaˍ ti‸ piˇ-oˆ. Nyi ma i puiˉ ve chaw teˇ hpaˍ hta‸ awˬ gʼaˇ piˇ-oˆ. Awˬ gʼaˇ nuˇ ve chaw teˇ hpaˍ hta‸ ga piˇ-oˆ. Chaw hkʼa peu-eˬ awˬ hkʼoˆ hta‸ nyi ma zuhˬ chaweh taˍ-o‸.

Awˬ lawn kʼo, nyi ma zuhˆ ve hta‸ gʼa hkanˍ tuˬ Gʼuiˬsha ngaˬ hui hta‸ fuiˍ teh taˍ ve maˇ heˆ. Ngaˬ hui ve Jawˇmawˇ Yeˍsuˆ Hkri‸ hta‸ pa taw htaiˍ hkʼaw‸ ve hta‸ gʼa tuˬ, yawˇ ngaˬ hui hta‸ fuiˍ teh taˍ ve yoˬ.

Awˬ lawn kʼo, nawˬ hui hkʼa peu-eˬ lehˬ awˬ gʼeuˆ ve awˬ yaˇ awˬ duˬ leh mvuhˇ law‸ kʼaw ve awˬ yaˇ awˬ duˬ hpeh‸ ve yoˬ. Ngaˬ hui lehˬ mvuhˇ hpeu‸ ve teˇ ceuˬ hta‸ maˇ kʼoˆ, naˆ ho‸ ve teˇ ceuˬ hta‸ maˇ kʼoˆ, maˇ caˉ da‸.