Popular Bible Verses from 1 Hteˇsaˍlawˇniˆ li‸ 4

Share

Oˇ ve awˬ hkʼaw‸ nawˉ a sha‸ te‸ chehˇ sheˍ ve ngaˬ hui teˇ hpaˍ lehˬ, mvuhˇ hpe lo Jawˇmawˇ Yeˍsuˆ hta‸ hpuˇ da‸ tuˬ, chaw oˇ ve teˇ hpaˍ geh hkʼa geh moˬ cawˬ kuiˬ lo ngaˬ hui hta‸ chiˇ taˆ-e laˇ tuˬ yoˬ. Hkʼe te leh, Jawˇmawˇ Yeˍsuˆ geh ngaˬ hui hkʼaˬ htaˆ ka‸ gʼa chehˇ tuˬ yoˬ.

Jawˇmawˇ Yeˍsuˆ lehˬ mvuhˇ naw ma hkʼoˆ lo ya‸ la ve teˇ yanˇ, tawˇ piˇ ve awˬ hkʼaw lo awˬ hkawˇ bvuhˬ chaweh kuˬ tuˬ yoˬ. Chi hkʼoˆ ka‸, mvuhˇ naw ma tcuh yaˇ uiˍ ve teˇ gʼaˇ ve awˬ hkawˇ leh, Gʼuiˬsha ve behˬ heh ma meuˆ ve awˬ hkawˇ htawˇ bvuhˬ la tuˬ yoˬ. Oˇ htaˇ, Hkri‸ awˬ hkʼaw lo suh peuˬ ve chaw teˇ hpaˍ awˉ lawˉ te‸ tu la tuˬ yoˬ.

Awˬ lawn kʼo, nawˬ hui gʼa da‸ gʼa kehˬ tuˬ, chi lehˬ Gʼuiˬsha ve a loˍ cawˇ ve yoˬ. Hkʼe te leh, haˉ chawˇ haˉ paˆ te ve teˇ ceuˬ hta‸ jaw kʼai-o. Nawˬ hui teˇ gʼaˇ le le da‸ ve kehˬ ve leh yawˆ yan ve awˬ hkʼaw lo a shu yawˇ ve awˬ miˇ ma hta‸ hkʼa deh‸ heuˆ chehˇ-oˆ.

Awˬ lawn kʼo, Yeˍsuˆ suh leh kʼaw‸ te‸ tu la ve hta‸ ngaˬ hui yonˍ ve yoˬ. Hkʼe te leh yawˇ kʼaw‸ te‸ tu la ve hkʼa shuˍ shuˍ, Gʼuiˬsha lehˬ Yeˍsuˆ hta‸ cuˇ ve awˬ hkʼaw lo, suh peuˬ ve chaw teˇ hpaˍ hta‸ yawˇ geh teˇ geh kʼaw‸ shiˍ veu laˇ tuˬ yoˬ.

Chi hkʼoˆ ka‸, awˬ baˬ hpawˇ chehˇ ve chaw teˇ hpaˍ nawˬ hui hta‸ nyi ma cawˇ tuˬ leh nawˬ hui chaw teˇ gʼaˇ hta‸ ka‸ maˇ gʼa ca cuˇ tuˬ

Awˬ lawn kʼo, cha‸ chiˆ ve chaw hpeh‸ tuˬ awˬ pon Gʼuiˬsha ngaˬ hui hta‸ kuˬ yuˬ taˍ ve maˇ heˆ. Da‸ kehˬ ve chaw hpeh‸ la tuˬ awˬ pon yawˇ kuˬ yuˬ taˍ ve yoˬ.