Popular Bible Verses from 1 Kawˇrenˍhtuˆ li‸ 9

Share

Gʼuiˇ da‸ ve pawehˇ awˬ hkʼaw lo gʼuiˇ da‸ ve chaw teˇ gʼaˇ le le lehˬ, teˇ ceuˬ le le awˬ hkʼaw lo a shu yawˇ awˬ to hta‸ o‸ yuˬ puiˉ ve yoˬ. Yawˇ hui lehˬ, luˬ puiˉ sheˆ puiˉ ve uˉ tcuhˍ hta‸ gʼa tuˬ te ve yoˬ. Ya‸ hkʼaˇ, ngaˬ hui lehˬ maˇ luˬ maˇ sheˆ puiˉ ve uˉ tcuhˍ hta‸ gʼa tuˬ te ve yoˬ. Hkʼe te leh, htawˇdawˇnawˬdawˇ te leh ngaˬ gʼuiˇ ve maˇ heˆ. Chu-eˬ da‸ ve teˇ yanˇ, hkʼe leˇ mvuhˇ haw hta‸ ceh ngaˬ chu-eˬ ve maˇ heˆ.

Ya‸ hkʼaˇ, ngaˬ shu hta‸ bon maˍ piˇ peuˬ hkʼaw‸ nawˉ, ngaˬ awˬ to shawˍ baˬ taˍ ve chaw maˇ gʼa hpeh‸ tuˬ, ngaˬ ve awˬ to hta‸ chu-eˬ leh, ngaˬ ve awˬ to hta‸ uˉ peunˍ tuˬ te ve yoˬ.

Gʼuiˇ da‸ ve awˬ hkʼaw lo, gʼuiˇ da‸ shehˍ hpaˇ hkʼa peu-eˬ gʼuiˇ ve htawˇ, teˇ gʼaˇ tiˉ la‸ shawnˍ gʼa ve hta‸ nawˬ hui maˇ shiˍ laˇ. Hkʼe te leh, nawˬ hui la‸ shawnˍ hta‸ gʼa tuˬ gʼuiˇ-oˆ.

Awˬ gʼaˇ nuˇ ve chaw hui hta‸ maˍ gʼa hpeh‸ tuˬ, yawˇ hui awˬ pon ngaˬ awˬ gʼaˇ nuˇ ve chaw hkʼe hpeh‸ la peuˬ. Hkʼaˬ hkʼe te leh chaw teˇ hpaˍ hpaˍ htaiˍ hkʼaw‸ ve hta‸ gʼa tuˬ, chaw hkʼa peu-eˬ awˬ pon ngaˬ teˇ ceuˬ le le hpeh‸ la peuˬ.