Popular Bible Verses from 1 Kawˇrenˍhtuˆ li‸ 8

Share

ngaˬ hui awˬ pon Gʼuiˬsha teˇ gʼaˇ tiˉ cawˬ ve yoˬ. Yawˇ lehˬ ngaˬ hui ve Awˬ pa hpeh‸ ve yoˬ. Yawˇ awˬ hkʼaw lo awˬ ceuˬ hkʼa peu-eˬ hpeh‸ la leh, ngaˬ hui htawˇ yawˇ awˬ pon hpeh‸ chehˇ ve yoˬ. Ngaˬ hui awˬ pon Jawˇ mawˇ teˇ gʼaˇ tiˉ cawˬ ve yoˬ. Yawˇ lehˬ Yeˍsuˆ Hkri‸ yoˬ. Yawˇ awˬ hkʼaw lo awˬ ceuˬ hkʼa peu-eˬ hpeh‸ la leh, yawˇ hta‸ pa taw ngaˬ hui htawˇ hpeh‸ chehˇ ve yoˬ.

Shaˉ ho‸ hta‸ tanˇ peuˬ ve caˇ tuˬ awˬ lawn lehˬ chi hkʼe yoˬ. Ngaˬ hui hkʼa peu-eˬ shiˍ puiˉ ve cuˇ yiˍ cawˬ ve hta‸ ngaˬ hui shiˍ ve yoˬ. Shiˍ puiˉ ve cuˇ yiˍ lehˬ, nyi ma uiˍ tuˬ te puiˉ ve yoˬ. Ya‸ hkʼaˇ, ha‸ pehnˇ ve lehˬ uiˍ la yeˬ la piˇ puiˉ ve yoˬ. Chaw teˇ gʼaˇ gʼaˇ lehˬ, teˇ ceuˬ ceuˬ hta‸ shiˍ ve teh‸ dawˇ ve kʼo, shiˍ keunˍ shiˍ cawˇ ve hkʼe yawˇ maˇ shiˍ sheˍ.

Hkʼe te leh, caˇ tuˬ hta‸ pa taw ngaˬ ve awˬ viˉ awˬ nyi hta‸ ngaˬ te ya‸ piˇ lawˬ ve kʼo, ngaˬ awˬ viˉ awˬ nyi maˇ gʼa te ya‸ tuˬ, ngaˬ hkʼaˬ htaˆ ka‸ shaˍ maˇ kʼaw‸ caˇ ve yoˬ.

Ya‸ hkʼaˇ, nawˬ hui te hpeh‸ ve awˬ ceuˬ lehˬ, awˬ gʼaˇ nuˇ ve chaw teˇ hpaˍ awˬ pon hkui htiˇ poˬ paiˍ kuiˬ maˇ gʼa cawˬ tuˬ, shaˍ ti‸ te-o.