Popular Bible Verses from ROMA 6

Share

Nə pa' mcwɔ'fa' mhɔ bɑ vʉ́; tə ywə yə Si hɑ bi mo pɑ́ néné a a bɑ vɔk mama shyə m nə Yeso Kristo Cyəpɔ yɔk pɑ̀.

Nə pa' mhɔ tə gɔ sɔ' kwi' ghə sɔm gʉ' nə po pɑ̀, nə kɑlɑ́ po tə́ jɑ m nə nwə mco' pɑ, po bɑ m nə gho'.

A shyə m nə kwishyə, nə vʉ e, bɑ pú lé nthə̀ŋ wɔk pa pú, po'o gɑ́ pa' Kristo lə yǎm nə vʉ̌ a, nə́ nə ghu' Tá a, ba wɔk pɑ̀ yɔk pɑ̀ vɔ́k m nə vɔ̀k sə́.

Ka po piŋ hɑ bú mɔ bi mhɔ pa' tsə shù msɔkmsɔk mnwə myə a; po hɑ bú mɔ nə gə tsə shù nwə dəŋdəŋ, bɑ fa' bi Si pa' pɔ pyə wap yam nə vʉ̌, bvɔk a.

Pɑ cəŋtə ju' nwə yə̌ŋ: A bɑ pu lə ŋkham e pu a bvo mo yə a bɑ nə pɑ̀ a thə́ bɛnyəpɛnyə po'o gɑ nɑ́ mhɔ yɔk pɑ̀ sa'tə, tə́ pɑ lə piŋ bɑ ŋkwɔ mhɔ pɑ̀.

Ba wɔ yɔ po sɛ gɑ̀ po lě pfʉ́ nə mhɔ, biŋ bvɔk m nə Si shyə m nə Yeso Kristo.

A po'o bɑ da'tə́ gɑ kɑ? Pɑ gɔ wuŋ pɑ nthʉm mhɔ tə gho' yɔm a? Gɛ̌! Cwə yə a bɑ pɑ̌ pfʉ́ nə mhɔ a, pɑ̌ gɔ piŋ vɔk nthʉm mhɔ m gɑ́ kɑ?

Po ka zhyə gɑ po piŋ bi mo gɑ po gɔ fa' bi e pa' ŋkwɔ a, pɑ yu'nyə e, bɑ po bɑ mkwɔ mo yə́ po ju'nyə e a, kɑ mkwɔ mhɔ myə a dɑ mo gɔ nə vʉ̌ a, kɑ nə yu'nyə yə a dɑ mo gɔ nə nwə dəŋdəŋ a?

Pɑ hɑ gho'tə Si: Po lə́ bɑ mkwɔ bi mhɔ, da' gɑ po lě ju'nyə nə guŋ tʉm tsɔ awɛ nə́ ywə yə pu lə zhi'tə wɔ, nthak wɔ nə a. Po lě nthəm ŋkwɔ bi mhɔ, ji ŋkwɔ nwə dəŋdəŋ.