Popular Bible Verses from Matta 16

Share

Nden Yeesu wi'i pukara'en muuɗum: “To goɗɗo yiɗi tokkaago yam, sey o acca muuyo maako, o roondo gaafaaŋgal maako, o tokko yam.

Mi ɗon wi'e: An woni Piyer waato tapaare. Dow tapaare man mi mahan jama'aare nuɗɗinɓe yam. Koo maayde jaalataako nde sam.

Mi hokkete maɓɓitirɗum laamu asamanji. Ko a haɓɓi haa duniyaaru, ɗum haɓɓaama haa asama boo, ko a fiisti haa duniyaaru, ɗum fiistaama haa asama boo.”

Ngam koo moy yiɗi hisnugo yoŋki muuɗum, majjinan ki. Ammaa mo majjini yoŋki mum ngam am, heɓtan ki.

To neɗɗo heɓi duniyaaru fuu, ammaa o halki yoŋki maako, ɗume ɗum nafata mo? Malla woodi ko goɗɗo waawata hokkugo ngam soottugo yoŋki muuɗum na? Walaa sam!

Yeesu ƴami ɓe: “Onon boo, on ɗon mbi'a mi moy?” Simon Piyer jaabi mo: “An woni Almasiihu, Ɓiɗɗo Allah geeto.”

Yeesu wi'i mo: “A barkiɗinaaɗo, Simon ɓii Yonas, naa neɗɗo waŋginani ma gooŋga ka, ammaa ɗum Baabiraawo am mo asama.