Popular Bible Verses from Esaaya 11

Share

Ruuhu Jawmiraawo ɗon dow maako, ruuhu hikma e hakkiilo, ruuhu sawari e cuusal, ruuhu anndal e kulol Jawmiraawo. O seyorto kulol Jawmiraawo. O hiitataako fodde giiɗe gite maako, o ta'ataa kiita fodde nanɗe noppi maako.

Laamu laamiiɓe ɓe asŋgol Daawuda ɓii Yessa ittaama. Ammaa bana lisal keccal fuɗirta diga tuggere lekki, bana non laamiiɗo keso mo asŋgol Yessa waŋgirta.

Ammaa o hiitanto laafuɓe fodde adilaaku, o hiitoto leesɓe lesdi kiita ngooŋɗuka. O halkan duniyaaru bee wolde wurtiinde diga hunnduko maako, bee poofɗe hunnduko maako o mbaran kalluɗo.

Adilaaku e gooŋgaaku laatoto taadorgol maako.

Walaa kalluɗum, walaa bonnuki dow hooseere Allah seniinde fuu, ngam duniyaaru heewan anndal Jawmiraawo bana mbeela heewirta ndiyamji.

Nden saafaandu wondan bee bortel, paaɗaawu waaloto kommbi jawgel, nyalahe e baroogel ngondan, ɓiŋngel duran ɗum.

Nyalaade man laamiiɗo keso mo asŋgol Yessa go daroto bana tuutawal ngam jama'aaje. Ummaatooje ɗaɓɓitan mo, nokkuure siwtaago maako laatoto teddunde.