Esaaya 11

Laamu salaaman

1Laamu laamiiɓe ɓe asŋgol Daawuda ɓii Yessa ittaama. Ammaa bana lisal keccal fuɗirta diga tuggere lekki, bana non laamiiɗo keso mo asŋgol Yessa waŋgirta#WY 5:5; 22:16..

2Ruuhu Jawmiraawo ɗon dow maako, ruuhu hikma e hakkiilo, ruuhu sawari e cuusal, ruuhu anndal e kulol Jawmiraawo. 3O seyorto kulol Jawmiraawo. O hiitataako fodde giiɗe gite maako, o ta'ataa kiita fodde nanɗe noppi maako. 4Ammaa o hiitanto laafuɓe fodde adilaaku, o hiitoto leesɓe lesdi kiita ngooŋɗuka. O halkan duniyaaru bee wolde wurtiinde diga hunnduko maako, bee poofɗe hunnduko maako o mbaran kalluɗo#2 Tess 2:8.. 5Adilaaku e gooŋgaaku laatoto taadorgol maako#Ef 6:14..

6Nden saafaandu wondan bee bortel, paaɗaawu waaloto kommbi jawgel, nyalahe e baroogel ngondan, ɓiŋngel duran ɗum. 7Nagge e ɓoodu#11:7 Laar 1 Sam 17:34. ndurdan, ɓikkoy maajum mbaaldoto nokkuure woore. Mbarooga nyaaman huɗo bana ngaari. 8Ɓiŋngel musinanŋgel fijan haa ngaska culanndi, entaaŋgel fortan juŋngo mum haa ngaska foosokre. 9Walaa kalluɗum, walaa bonnuki dow hooseere Allah seniinde fuu, ngam duniyaaru heewan anndal Jawmiraawo bana mbeela heewirta ndiyamji#Esa 65:25.#Hab 2:14..

Gartuki Isra'iila bee jaalorgal

10Nyalaade man laamiiɗo keso mo asŋgol Yessa go daroto bana tuutawal ngam jama'aaje. Ummaatooje ɗaɓɓitan mo, nokkuure siwtaago maako laatoto teddunde#Rm 15:12.. 11Nyalaade man Jawmiraawo fortan juŋngo muuɗum ɗiɗaɓre fahin, haa o rimɗina luttuɓe yimɓe maako, luttanɓe haa Assuura e Misra e Paturus e Etiyopiya e Elam e Sine'ar e Hamat e duuɗe mbeela. 12O ɓaŋgtan tuutawal ngam ummaatooje, o hawtan riiwaaɓe Isra'iila, o mooɓtan saŋkitiiɓe Yahuuda diga alkibilaaji nayi fuu. 13Kaajal Efrayim sottan, konne'en Yahuuda nattinteeɓe. Efrayim meetataa haajugo Yahuuda, Yahuuda boo meetataa ɓillugo Efrayim. 14Ummaatooje ɗiɗi ɗe'e ukkanto Filisti'en haa hiirnaaŋge, ɓe njaɓtan mardi yimɓe fuunaaŋge. Juuɗe maɓɓe ngaran dow Edoom e Mo'ab, yimɓe Ammoon leesanan ɓe. 15Jawmiraawo ɓeeɓnan lonyoodu mbeela Misra, ruggoto maayo Efratis. Bee nguleeŋga poofɗe maako o seekan ngo, ngo senndititto maahoy njoweeɗiɗoy, haa goɗɗo eero koy bee paɗe#WY 16:12.. 16Bana non laawol jaasŋgol ɗon ngam luttuɓe yimɓe maako, luttanɓe haa Assuura, bana ngol laatorani Isra'iila'en ɓooyma, saa'i gurtaaki maɓɓe e Misra.

Currently Selected:

Esaaya 11: FB

Highlight

Copy