Popular Bible Verses from Gurtaaki 16

Share

Ɓe mbi'i ɓe: “Ndikka to Jawmiraawo mbari min nder lesdi Misra! Ton min ɗonno njooɗi kommbi payanɗe keewɗe kusel, min nyaami haa min cafti! Ammaa on ngurtini min, on ngaddi min nder ladde nde'e ngam haa jama'aare nde'e fuu maayra weelo!” Jawmiraawo wi'i Muusa: “Mi toɓnanan on nyaamdu diga asama. Nde weeti fuu yimɓe njahan ɓofta nyaamdu deydey nyalaade man. Bana non poondiranmi on, haa mi laara to on ɗowtanto umroore am malla on ɗowtantaako nde.

Haa ladde ton, ɓe fuu ɓe ngurŋgurti dow Muusa e Haruna.

Muusa wi'i: “Ndaa nii anndirton ɗum: Kiikiiɗe Jawmiraawo nyaamnan on kusel, fajiri boo irin tamseeje, haa on kaara. Ngam Jawmiraawo nani no on ngurŋgurtiri dow maako. Ngam minin, min ɓeye? Ngurŋgurtol mon laataaki dow amin, ammaa dow Jawmiraawo.”

“Mi nani ngurŋgurtol Isra'iila'en. Yeccu ɓe ndaa nii mbi'mi: Maŋngariba nyalaade man, on nyaaman kusel, jaŋngo fajiri boo on kaaran tamseeje. Bana nii on anndan min woni Jawmiraawo, Allah mooɗon.”