Popular Bible Verses from Gurtaaki 15

Share

O wi'i ɓe: “Min woni Jawmiraawo, Allah mooɗon. Fakat to on ɗowtanake yam bee waɗugo ko fottani yam, to on nani umrooje am e on ɗowtanake farillaaji am fuu, nden kam mi ukkantaa on nyawuji ɗi mi ukkani Misra'en. Ngam min woni Jawmiraawo, kurgoowo on.”

Jawmiraawo woni semmbe am e daliila yimre am! O hisni yam, kaŋko woni Allah am, mi teddinan mo! O Allah baaba am, mi maŋgtan mo!

Yaa Jawmiraawo, moy nanndi bee ma caka ɗowanteeɓe? Moy nanndi bee ma? Senaare ma nde hayɗiniinde! A kulniiɗo, ke'iiɗo teddineego, baawɗo waɗugo kaayeefiiji!

A rimɗini ummaatoore ma! Bee mbooɗeeŋga ma a ɗowi nde. A ɗowi nde bee baawɗe ma haa jooɗorde ma seniinde.

Nde ɓe njotti Maara, ɓe mbaawaay yarugo ndiyam ton, ngam ɗam kaaɗɗam. Ngam maajum ɓe ewni nokkuure man Maara. Yimɓe ummaatoore ngurŋgurti dow Muusa, mbi'i mo: “Ɗume njareten?” Muusa wookani Jawmiraawo. Jawmiraawo holli mo leggal. Muusa sakkini ngal nder ndiyam, ɗam laati mbelɗam. Ton Jawmiraawo hokki Isra'iila'en farillaaji e ɗabiyaaji, ton boo o foondi ɓe.