Popular Bible Verses from Mga Salmo 18

Share

Ikaw, GINOO, ang akong salipdanan nga bato, ang akong lig-ong tago-anan ug manluluwas. Ikaw, Dios, ang salipdanan ko nga bato, makatago ako diha kanimo. Ikaw, Dios, ang akong taming, gamhanang manluluwas ug dalangpanan.

Hingpit ang imong pamaagi, O Dios. Ang imong pulong kasaligan gayod. Sama ka sa taming alang sa tanang nagdangop kanimo.

Dalaygon ka, GINOO, kay kon mangayo ako ug tabang kanimo ginaluwas mo ako gikan sa akong mga kaaway.

Busa sa akong kalisdanan nagpakitabang ako kanimo, GINOO, nga akong Dios, ug gikan sa imong templo gidungog mo ang akong pag-ampo.

GINOO nga akong Dios, ikaw ang akong kahayag. Sa kangitngit ikaw ang akong suga.

Ikaw, O Dios, ang naghatag kanako ug kusog ug ang nagbantay sa akong paglakaw.

Buhi ka, GINOO! Dalaygon ka nga akong salipdanan nga bato! Gibayaw ka nako tungod kay ikaw ang Dios nga akong Manluluwas.