Popular Bible Verses from Isaias 55

Share

Miingon ang  GINOO, “Ang akong panghuna-huna dili sama sa inyong panghuna-huna. Ang akong kinaiya dili sama sa inyong kinaiya.

Maingon nga mas habog ang langit kaysa yuta, layo ra usab kaayo ang inyong kinaiya ug panghuna-huna kay kanako.

Dangop kamo sa GINOO ug tawag kamo kaniya samtang anaa pa siya nga motabang kaninyo.

Pabiyaa na ang mga daotan sa ilang daotang binuhatan ug ipasalikway ang ilang daotang panghuna-huna. Pabalika na sila sa GINOO nga atong Dios kay kaloy-an niya sila ug pasayloon.

Miingon ang GINOO, “Duol kamo, kamong tanan nga giuhaw, ania ang tubig! Bisan wala kamoy kuwarta, duol kamo ug kaon! Dali kamo, kuha kamog bino ug gatas nga walay bayad!

Ang ulan ug ang snow gikan sa langit ug dili na kini mobalik didto; naghatag kinig tubig sa kalibotan, ug nagpatubo sa mga tanom nga mohatag ug binhi sa mga magpupugas ug pagkaon sa mga tawo. Mao usab ang mga pulong nga akong gisulti, dili kini makawang, kondili tumanon niini ang akong tumong; ug molampos kini sa katuyoan sa akong pagpadala niini.

Mga Israelinhon, pamiya kamo sa Babilonia nga malipayon ug malinawon. Daw sa mag-awit sa tumang kalipay ang mga bukid ug mga bungtod, ug daw sa mamakpak ang tanang kakahoyan.

Duol kamo ug pamati kanako aron mabuhi kamo. Mohimo akog walay kataposang kasabotan uban kaninyo. Ipakita ko kaninyo ang akong dakong gugma ug pagkamatinumanon nga gisaad ko kang David.