Popular Bible Verses from Isaias 41

Share

Ayaw kahadlok kay ako imong kauban. Ayaw kabalaka kay ako ang imong Dios. Lig-onon ug tabangan ka nako. Panalipdan ka nako pinaagi sa akong gahom nga mao ang makaluwas kanimo.

Kay ako, ang  GINOO nga imong Dios, nagpalig-on kanimo ug nag-ingon kanimo nga ayaw kahadlok kay tabangan ka nako.

“Ang tanang nasuko kanimo sigurado gayod nga maulawan ug tamayon. Mangahanaw ang tanang adunay kapungot kanimo.

Gitawag ka nako ug gikuha gikan sa labing layo nga bahin sa kalibotan ug giingnan, ikaw akong alagad. Gipili ka nako ug wala ka nako isalikway.

Bisan pangitaon mo pa ang imong mga kaaway dili mo na sila makita. Sila nga nakig-gira kanimo mangahanaw.

Bisan ug gamay ka lang ug luya, ayaw kahadlok kay ako mismo ang motabang kanimo. Ako, ang  GINOO, ang nag-ingon niini. Ako ang imong Manluluwas, ang balaan nga Dios sa Israel.

“Apan ikaw, Israel nga akong alagad ug pinili, nga ang imong katawhan mga kaliwat ni Abraham nga akong higala.

Padagaydayon ko ang mga suba sa taas nga mga dapit ug ang mga tuboran sa mga walog. Himuon kong katubigan ang disyerto, ug ang malang yuta butangan kog mga tuboran.

“Kon ang akong katawhan nga mga kabos mangitag tubig ug wala silay makita, ug momala ang ilang tutunlan sa kauhaw, ako, ang  GINOO maoy motabang kanila. Ako nga Dios sa Israel dili mosalikway kanila.

Kinsa ang naghimo niining tanan? Kinsa ang nagbuot sa tanang panghitabo sukad pa sa sinugdan sa mga henerasyon? Ako, ang  GINOO, nga anaa na sukad pa sa sinugdanan sa kalibotan ug anaa usab gihapon ako hangtod sa kataposan niini.”

Patubuon ko sa disyerto ang mga kahoyng sedro, akasya, mirto, olibo, pino, enebro, ug sipres, aron makita, mahibaloan, ug masabtan sa katawhan nga ako, ang  GINOO, ang Balaan nga Dios sa Israel, mao ang naghimo niini.”