Popular Bible Verses from Yap 13

Share

Giŏng anŭn, Kaleb brơi abih bang dŏ rơiăt hăng laĭ, “Bơbĕ ƀing ta đĭ nao hăng mă tŭ anih lŏn anŭn bĕ, yuakơ sĭt yơh ƀing ta dưi ngă tơlơi anai.”

Ƀing gơmơi ƀuh ƀing prŏng glông Nephil pơ anŭn, jing ƀing kơnung djuai Anak tơbiă rai mơ̆ng kơnung djuai Nephil. Ƀing gơmơi jing anet hrup hăng tơpul kơtop đôč ƀơi anăp mơta gơmơi laih anŭn ƀing gơmơi ăt jing anet hrup hăng anŭn mơ̆n ƀơi anăp gơñu.”

Samơ̆ ƀing đah rơkơi đĭ nao kơsem lăng anih lŏn hrŏm hăng Kaleb laĭ, “Ƀing ta ƀu dưi kơsung blah ƀing mơnuih anai ôh; ƀing gơñu kơtang hloh kơ ƀing ta.”

Giŏng anŭn, ƀing gơñu hyu laĭ pơthâo sat kơ anih lŏn ƀing gơñu hơmâo kơsem lăng laih. Ƀing gơñu laĭ tui anai, “Anih lŏn ƀing gơmơi kơsem lăng anŭn jing anih lun ƀơ̆ng ƀing mơnuih hơdip amăng anŭn. Abih bang mơnuih ƀing gơmơi ƀuh pơ anih anŭn le̱ng kơ ƀing prŏng glông.

Ƀing gơñu ruai kơ Môseh tơlơi pơthâo anai, “Ƀing gơmơi mŭt nao amăng anih lŏn jing anih ih pơkiaŏ ƀing gơmơi nao, anih lŏn anŭn hơmâo kơmơ̆k hiam kar hăng ia tơsâo laih anŭn ia hơni yơh! Anai yơh jing khul boh čroh mơ̆ng anŭn.

Samơ̆ ƀing mơnuih dŏ hơdip amăng anŭn jing dưi kơtang biă mă laih anŭn hơdôm plei ƀing gơñu ăt jing khul kơđông prŏng biă mă. Ƀing gơmơi ăt ƀuh ƀing kơnung djuai Anak, jing ƀing mơnuih prŏng glông mơ̆n pơ anŭn.

Ƀing Amalek hơdip amăng anih Negewơ; ƀing Hit, ƀing Yebus laih anŭn ƀing Amôr hơdip amăng tring čư̆; laih anŭn ƀing Kanaan hơdip jĕ ia rơsĭ kơtuai ha̱ng krong Yurdan.”

Ƀing gơñu wơ̆t glaĭ pơ Môseh, A̱rôn laih anŭn pơ ană plei ƀing Israel ƀơi anih Khades amăng tơdron ha̱r Pharan. Pơ anŭn ƀing gơñu ruai glaĭ kơ ƀing Môseh, A̱rôn laih anŭn kơ abih bang ƀing ană plei hăng pơrơđah kơ ƀing gơ̆ boh čroh mơ̆ng anih lŏn anŭn mơ̆n.