Popular Bible Verses from Mga Talinhaga 22

Share

Tukdoan mo an aki kun paano siya mamuhay, asin dai niya iyan malilingawan sa bilog niyang buhay.

An balos sa kapakumbabaan asin pagkatakot sa KAGURANGNAN iyo an kayamanan, kaomawan, saka buhay.

Mas marahay na pilion an malinig na ngaran ki sa dakul na kayamanan.

Dai ka makipagkatood sa mga tawong mainit an payo.

Magin matinao ka asin hirasan mo an dukha kan saimong kakanon. Huli kaiyan bebendisyonan ka.

Nahihiling kan madonong an nagdadangadang na pag-alaman, asin minaingat siya; alagad dai iyan naririparo kan mangmang kaya nahuhulog siya sa kapahamakan.

An dukha oripon kan mayaman, asin an parautang oripon kan pinagkautangan.

An mayaman saka an dukha parehong linalang nin KAGURANGNAN.

Dai mo paghabonan an dukha huli ta siya dukha, o pag-apihon an mayong sukat sa atubang kan hukoman. Susurogon sinda nin KAGURANGNAN, asin hohomaan niya an buhay nin siisay man na naghohoma kan buhay ninda.