Popular Bible Verses from Parahulit 1

Share

Kun mas madonong ka, mas dakul man an saimong kahaditan; kun mas dakul an saimong naaaraman, mas dakul man an saimong kamondoan.

An nangyari kaidto, mangyayari giraray, asin an ginibo kaidto, gigibohon giraray. Mayo nin anoman na bago sa kinaban.

An gabos na bagay pano nin kapagalan; anoman an itaram nin tawo dai iyan nanggad ikapaliwanag. An mata dai nakokontento sa paghiling; siring man an talinga sa pagdangog.

Mayong halaga an buhay, an sabi kan Parahulit. Mayo nin halaga an gabos na bagay. An buhay mayo nin halaga! Mayo nin halaga an gabos. Ano an napapakinabang nin tawo sa gabos niyang ginigibo sa kinaban?

Nahiling ko na an gabos na ginibo sa kinaban na ini, asin sinasabihan ko kamo; an gabos mayo nin halaga; garo saro sana iyan na paglamag sa doros.

Minaagi an sarong henerasyon, asin minadatong an saro pa, alagad an kinaban nagdadanay sagkod lamang.

Mayo nin nakakagiromdom kan mga nangyari na, asin an mga mangyayari poon ngunyan dai man magigiromdoman ngapit.

Hiningowa kong saboton an kalaenan kan pakaaram asin kalolongan, kan kadonongan saka karungawan. Alagad nahiling ko na arog man giraray ini sa paglamag sa doros.