Popular Bible Verses from Ane rom, echî 16

Share

Obhasi owəré nnyo á kará enare, tîk a yîm ên mân o chêm ên Satan, o sə́ne ka akát mkpât ebhú. Deê onobhá-eji Ntûfâm owəré Jisos Krayis ó jóe na ên.

Atem-abhon-í-nnyen, n kí goré ên bəre ó kó ên ebhú na ane mba á túbha nchot, á bhó kam na achot Obhasi mma á kpíi ên. Ntʉ́ghi ane mbá á bhâk na achât, á yimá ane á gbok. Ka chə̂m ên na ábho.

Echî é rî sê, ntʉ́ghi ane mbá á bhó yim etûm mbâ Ntûfâm owəré Jisos Krayis. Á yíma ka obhô ekot ábho. Na ogyebhé eyum í nchot ábho, á bhik erirím ane mba á ká məŋé nchot obhí.

Ekûp na ejík é jóe é káre Obhasi nnyo a kí yim akát á sî ên nsi ó fôn ên ekpin ka ekpak otîp ogyebhá-ḿbə́ŋé mbi ń səre ḿ fare. Otîp mbí ó rî ó kpê na Jisos Krayis, kən á kíi ka ebhə̂t éməné. Kən mfá-mfá ó chəbhe jáé ka achot mma akará-otîp Obhasi á séŋe. A ri Obhasi nnyo a fonê ekpin ótúm-ótúm nâ a karê ikom se achot mmá á jên á fáre nték i ngun fép, ngun á kí ḿbə́ŋé, á kó biji ábho á káre yê. Deê é káre ên ekûp na ejík mbâ Obhasi ka ótúm-ótúm. Yê átíŋ nâ a ri oməŋá-ejûm. Deê é káre ên yê ekûp na ejík ka obhô Jisos Krayis. Áno.