Popular Bible Verses from Ane rom, echî 14

Share

Echî aŋ? Otúi Obhasi, édî áji ńjə́ne-njənê na aməm egwóóm asík, kən a ri otúi ekpin eyimím ka nnyen-i-mbá. A ri otúi ekone na ogyebhá-ḿbə́ŋé nâ Obhasi Ebhare Ntʉgantʉ á kará. Ó top Jisos Krayis ka ekpak njí, é kí gyebhé Obhasi ka ḿbə́ŋé. Atem-ane eróŋ á kí karé wâ ejík.

Kpe e ri ka ekpin, e ri ka obhô Ńtâ Jisos. Kpe e kpóe okpó, e kpóe ka obhô obhê. Nâ mân kpe e kpóe okpó, kpe e ri mbít, e ri ka obhô Ńtâ Jisos.

Ka obhô mbí, deê íkíkéré ifə́ré í jóe sê é yîm iyîm mbi í kə́ bha na ekone ka eji, é kâk atem-abhon-í-nnyen ikom ka achot Obhasi.

Ka ekpak njí, deê é mághe mân atem ebhíbhím. Kən deê é fôn ka ḿbə́ŋé sê e kâ yîm kpe ejûm jə́t nji é kí yim ntem-mmon-i-nnyen a kobhé a gbo ka obhí.

Ka ekpak nji á séŋe sê, “Ńtâ Obhasi se, ‘Ka eji mme n di mfoné Obhasi, kpe énê a ri a tə́m arúŋ ka ochî obhámé, kpe énê a ri a sə́ré ka nnyo imê se mme a ri Obhasi.’ ” Nâ é fap sê êt fép e ri é tóŋé nji e yimî ka nsi nnyí mbâ Obhasi yê ḿfoné.

Ájoé nne owəné kpe yót a ri nnyo ḿbə́ŋé nnyi a kíi na Jisos Krayis a nyə́ne á ka son nono, deê ó kó ên yê ka ekam ejə́né, obhúp ó kâ jóe.

We a ri énê kpá títí nnyo o kí tâŋ ḿgbán i nne etat. Ńsé owe nâ a fonê ikom mfi a kí səre se ḿgbán nnyó a mə́ŋe oyim na ebhú tat se á ka məŋé oyim. Ḿgbán nnyó eróŋ a ri ka eyéném echî, ka Ńtâ Obhasi kə́n a yîm yê a yên echî.