Popular Bible Verses from Ane rom, echî 10

Share

ó səre ka nnyo imâ se Jisos nâ a ri Ntûfâm, o kâm ka ḿbə́ŋé eya se Obhasi a yim yê a nyəmé ka ekʉ̂, Obhasi tîk a yîm wâ o sêm.

Echî aŋ? O kí ki ḿbə́ŋé na Jisos kən Obhasi a kô se ekpin ejâ é rî ka nnyen-i-mbá. É kí dʉ fə́ne ka esə́rə́m njí ka nnyo imâ kən Obhasi a yîm wâ o sêm.

Nâ é rî sê kən nne a kí ḿbə́ŋé na Jisos Krayis, a râŋ mbá a yûk otîp obhê. Nne a kí yuk otîp mbí nji á səre yê ḿbə́ne.

Obhasi a sə́re ka nwet eye se, “Kpe énê nnyo á ki ḿbə́ŋé na yê, tîk á bhó to se, ‘A tok ə̂m eé.’ ” Ka nan? Ka nchot nnyí, ane Jus na ajéné chénchén á rî ekan. Obhasi a ri Ntûfâm ane chénchén. A kí karé enare joók mbâ ane chénchén mba á góra yê. Ka ekpak nji yê a chorê ka nwet eye se, “Kpe énê nnyo á goré Ńtâ Obhasi, tîk á yîm yê a sêm.”

Á kí yim nan fə́ne á sə́ré otîp í nchane nji á ká tum ane á jí sə́ré. Á séŋe ka nwet Obhasi sê, “Ane á kí fon ekpatə́m ogyebhá-ḿbə́ŋé á kpê na ane mba á bháe ábho na otîp ogyebhá-ḿbə́ŋé Obhasi.”

Kən tîk nne a yîm nan a góre Obhasi nji á ka kí ḿbə́ŋé na yê. Nne a kí yim nan a kí fə́ne ḿbə́ŋé nji á bhó yuk otîp obhê. Nne a kí yim nan a yúk otîp obhê nji á ká səre yê.

Kən Jisos Krayis a bhâ jéghe nji ebhín é wóme, ikom ebhín í man. Ka obhô mbí, kpe énê nnyo á ki ḿbə́ŋé na yê, Obhasi a kí ko ekpin í nne ányo se é rî ka nnyen-i-mbá.