Popular Bible Verses from Etûm ágbán~í jisos, echî 2

Share

Pita a sə́re ábho se, “Deê nne owəné kpe nnyón a yóŋé ḿbə́ŋé a maghé obhí obhê, a fúk ayép ka mbiŋ i Jisos Krayis. Tîk Obhasi a rî nsôn a sû obhí obhê. Tîk a káre ntʉ́ghi nne ányo Obhasi Ebhare Ntʉgantʉ noŋ ekəp.

Á káre biji á kpik achot mma ágbán í Jisos á kpik ábho. Á chəmá biji, á dik Édî Obhasi á gorá yê.

Obhasi Ebhare Ntʉgantʉ a súi ábho ka biji, á róghe echoróm nyum i nték etat nnyi á ká məŋé. É dʉ̂ ka ikom mfi Ntʉgantʉ a karê ábho.

Ka ebhú jə́t, ejok é bhak nnyi ósô noŋ ekpatə́m í mfêp nâ á noghá. Ejok njí é súi njû ndə́m nnyi ábho á kûn. Á yéna ejûm noŋ ngûn ń kí ru, ń chât, ń kúmi kpe nnyón nne ábho ka echî. Obhasi Ebhare Ntʉgantʉ a súi ábho ka biji, á róghe echoróm nyum i nték etat nnyi á ká məŋé. É dʉ̂ ka ikom mfi Ntʉgantʉ a karê ábho.

Chénchén ofú á kí chəmé ka ekam jə́t ka ókʉ́rí achot Obhasi, kən á chəmá fə́ne ka ojû atem, á dik édî ábho na nji Obhasi. Á dik na ogyebhá-ḿbə́ŋé na ḿbə́ŋé ábho jáé. Á kará nkat mbâ Obhasi, ane chénchén á gyebhá ḿbə́ŋé na ábho. Ńtâ Jisos a kpek ka ekam ábho ane mba á kí ki ḿbə́ŋé na yê ka ofú ka ofú.

Obhasi a chorê se, ‘Ka nsígha-njəm ebhú n kí karé Ntʉgantʉ omé a súi a fûk mbâ ane chénchén. Abhon abhə́né mba ane-arûm na ane-akáé tîk á kará otîp obhámé. Ên abhon aguŋi, tîk n chôt mbâ eyəné ka ndem, ên ane-akúí, tîk n káre ên fə́ne arem.

Chénchén ane mba á kíi ḿbə́ŋé na Jisos, á kə̂t ka ochəma-biji, á kirá iyîm ábho na atem. Á gurá iyîm ábho, á kirá ntí na atem mba é fóghe ábho.

Ka ofú ábhi mân, kpe énê nnyo á bhiŋ mbiŋ i Ntûfâm tîk a sêm.’ ”

Njúí a rô kpó fon ebhát ejê, nnyam-ósô tîk a bhík noŋ agyʉ́ŋ, kən ekpatə́m ofú ejík mbi Ntûfâm ó sí.