Popular Bible Verses from Etûm ágbán~í jisos, echî 1

Share

Kən tîk o fôn ên ikom, ebhú Obhasi Ebhare Ntʉgantʉ á bha ên ka biji, o chə́bhe ên mân atî-isê abhámé ka Jerusarem na ebhat í Judiya ndə́m na ebhat í Samariya, ta o sî ên ntə̂m i ngun.”

Jisos a táme se, “Ó ka fon ên eməŋə́m ebhú nchane nji Ńsé omé yê ḿfoné ka ikom ifê a kíi.

Ofú etat nji á kpúghi atem, a sə́re ábho se, “Ka mághe ên Jerusarem. Kumî ên chik ekəp nji Ńsé omé a chimî ên ka ekpak nji n sə́re ên. Jon a kóe ayép a fûk ane ayép, kən kpe mfín á bhó rap, tîk á fûk ên ayép a ri na Obhasi Ebhare Ntʉgantʉ.”

Nji a kpóe a nyə́me, a fâp ka ochî ágbán abhê ntə̂m etî-etî a tóŋe jáé se yê a nyə́me ka ekʉ̂. Ka nsam i mfín ébháe, a ri ori a fábhá ábho ka ochî, a kpík ábho nchot otúi Obhasi.

Nji a chorê áno, á kô yê fə́ne a kí ji nnyi ósô, ágbán abhê á rî áfo á kebha. Átʉ́k í ngurobhú á bhúi yê, ábho á ká kpo yen yê.

Ágbán í Jisos á nyə́ne á kebha ósô nji ane-arûm ábháe na ábháré ḿfô, á fábhe ábho áfo ntə̂m yə́t. Á bhə̂p ágbán mbá sê, “Ane-arûm í Gariri, o gyím ên jen o kébhá ósô? Jisos nnyó yót nnyo á kóe áno á jak nnyi ósô, a kí kpo chəbhé njəm a bhá ka ekpak nji o yéne ên yê áno a jak.”