Popular Bible Verses from Rómhánaigh 6

Share

Mar is é an bás tuarastal an pheaca, ach tugann Dia mar shaoraisce uaidh an bheatha shíoraí in Íosa Críost ár dTiarna.

Mar ní bheidh aon cheannas ag an bpeaca oraibh níos mó, ó nach bhfuil sibh faoin dlí ach faoin ngrásta.

Táimid marbh agus curtha ina chuideachta ag an mbaiste, chun go gcaithimid beatha úmua dála Chríost a dʼéirigh ó na mairbh trí ghlóir an Athar.

Ná géilligí bhur mbaill don pheaca le bheith mar uirlisí ag an ole, ach géilligí sibh féin do Dhia mar dhaoine a tugadh ó bhás go beatha, agus géilligí bhur mbaill do Dhia mar uirlisí na fíréantachta.

Tá a fhios againn gur crochadh an duine a bhí ionainn ar a chrois, ionas go gcuirfí chun báis an corp peacúil, chun nach mbeadh greim ag an bpeaca orainn.

Is cóir daoibh mar sin a mheas go bhfuil sibh féin marbh básaithe don pheaca, agus beo beathach do Dhia in Íosa Críost.

Cad é is cóir dúinn a rá ansin? An rachaimid ar aghaidh leis an bpeaca go mba mhóide don ghrásta? Ní hamhlaidh! Fuaireamar bás don pheaca, agus cad é mar a ligfimid dó bheith beo ionainn fós?

Nach feasach daoibh má tá sibh i ndiaidh géilleadh dʼaon duine mar dhaoir ag umhlú dó, go bhfuil sibh i ndaoirse ag an té sin a mbíonn sibh ag umhlú dó, más é an peaca é, a thugas chun báis, nó más í an umhlaíocht í, a thugas chun na fíréantachta?

Ach buíochas le Dia, go bhfuil sibhse a bhíodh roimhe sin faoi dhaoirse an pheaca i ndiaidh umhlú ó chroí do chló an teagaisc sin a cuireadh romhaibh, agus gur saoradh ón bpeaca sibh, agus go bhfuil sibh in bhur ndaoir ag an bhfíréantacht.