Popular Bible Verses from Rómhánaigh 12

Share

Ná glacaigí le cruth an tsaoil seo, ach bíodh athrú crutha oraibh trí athnuachan bhur n-intinne, ionas go bhfaighidh sibh tuiscint ar dhea-thoil aoibhinn neamhlochtach Dé.

Glaoim oraibh dá bhrí sin, a bhráithre, as ucht thrócaire Dé, go dtíolaca sibh bhur gcolainn mar naomhíobairt bheo, ní a thaitnionn le Dia mar ghníomh adhartha spioradálta uaibh.

Bíodh bhur ndóchas ina ábhar lúcháire agaibh, bígí foighneach in am an chrá, agus ná stadaigí den urnaí.

Ná faigheadh an t-olc bhur mbua ach faighigí bua ar an olc leis an maith.

bíodh grá na ndeartháireacha agaibh dá chéile; sáraígí a chéile leis an ómós a thugas sibh dá chéile.

Bíodh grá agaibh i ndáiríre; tugaigí fuath don ole, cloígí le gach ní dá fheabhas

Más féidir, agus chomh fada agus a bhaineas libhse mairigí i síocháin le daoine an domhain.

A lucht na páirte, ná himrígí díoltas, ach fágaigí faoi fhearg Dé é, mar tá sé scríofa, “Is liom an díoltas, is mé a bhainfeas amach an cúiteamh, a deir an Tiarna.”

Ná ligigí do bhur ndúthracht dul i laghad, ach bíodh an Spiorad ar lasadh ionaibh, bígí ag obair do bhur dTiarna.

Óir deirim le gach duine agaibh tríd an ngrásta a bronnadh orm gan meas iomarcach a bheith aige air féin, ach ina ionad sin meas cothrom atá de réir chuimse an chreidimh a roinn Dia leis.

Ná tugaigí ole in aghaigh an oilc, ach smaoinígí ar an ní is uasal i súile cáich.

Mairigí go cairdiúil le chéile; ná bígí mórtasach, ach déanaigí caidreamh leis an uiríseal; ná síligí barraíocht díbh féin in am ar bith.

Ar a shon sin, “má tá ocras ar do namhaid, tabhair bia dó; agus má tá tart air, tabhair deoch dó; mar má dhéanann tú amhlaidh beidh tú mar a bheifeá ag camadh gríosach dhearg ar a cheann.”

Beannaígí lucht bhur ngéarleanúna; beannaígí agus ná mallaígí iad. Déanaigí comháthas le lucht an áthais agus comhbhrón le lucht an bhróin.

Tugaigí uaibh síneadh láimhe le haghaidh riachtanas na naomh, agus bígí flaithiúil fáilteach de ghnáth.

Mar feicimid go bhfuil mórán ball in aon chorp amháin, agus gan an fheidhm chéanna ag aon dá bhall acu, ar an nós céanna bímid, an slua sin againn inár n-aon chorp amháin i gCríost, agus inár mbaill dá chéile gach duine faoi leith.