Popular Bible Verses from Filipéigh 2

Share

gan bheith leithleasach ná leitheadach, ag géilleadh go huiríseal do dhaoine eile, gan aon duine agaibh a leas féin amháin a iarraidh, ach leas a chomharsan freisin.

Bíodh an intinn sin agaibh lena chéile a bhí ag Íosa Críost

a bhí riamh i gcló Dé, ach nárbh éadáil leis bheith ar aon chéim le Dia, ach gur fholmhaigh sé é féin, le dul i gcló seirbísigh, agus teacht ar an saol i gcosúlacht duine. Bhí sé le fáil mar sin i gcló daonna agus dʼuirísligh sé é féin agus bhí sé umhal go bás, go fiú bás ar chrois.

ós é Dia é féin a bhíos á oibriú ionaibh toiliú agus gníomhú mar is fearr a thaitníos leis féin.

Dʼardaigh Dia go mór é dá bharr sin, gur bhronn air an t-ainm is airde dʼainmneacha, ionas gur le hainm Íosa a dʼfheacfadh gach glúin, ar neamh agus ar talamh agus faoi thalamh, agus go n-admhódh gach teanga gurb é Íosa Críost is Tiarna ann, le glóir Dé an tAthair a mhéadú.

Déanaigí gach ní gan bheith ag casaoid ná ag ceistiú, ionas go mbeidh sibh soineanta gan smál, in bhur gclann Dé gan teimheal i mease na glúine caime claoine seo, a mbíonn sibh ina mease mar réaltaí geala eolais don saol

Mar sin, a dhaoine a bhfuil mo ghrá ionaibh, déanaigí rud orm anois mar a rinne sibh riamh é, agus dá fheabhas dá ndearna sibh é agus mé i láthair is amhlaidh is fearr anois a dhéanfaidh sibh é agus mé as láthair, ag saothrú amach bhur slánaithe féin go cúthail critheaglach