Popular Bible Verses from HINWƆ HI MITS YOHANA 14

Share

Mi wɛɛ mi lag ya̧a̧ za raazim bɛtha: a bi̧i̧mɔ: a hat gis a dood wɔ hi wɔrk a Bɛtwoos du, gi yɛɛl ɓɔryɔ! Bɛt Mɔkilɔ ta̧a̧: a Hɔɔ! Anbɔ. Hi ɗɛɛ an hi hol woosya̧ ɓaatil bɔ hi wɛɛ hi dag hato; ya̧a̧nɛ, hinrɔb yɔ hi woo gihi fɔk kuudu.

Yɔ anbɔ, Bɛt doodɔ wɔ hi fɔk hinyɔ gisihi raako hi waak Yeesu ɗɔbsig hi rɔbo, mɔhi hinɛ.

Gi dɔk hi ya̧a̧ɓooti: a hoobha̧a̧nɛg Bɛto, baaninɛge! Ya̧a̧nɛ, ɔ̧tyɔ gɔ gi gbaas dood dɔgl du tuurɔ. Ɗɔbsin za̧a̧nyɔ kim bɛtha hi hɛbtdi, hi mɛmbal gbɔɔlɛ, hi mɛmzɛɛl wɛ!

Bɛtwalsɛr za taasim bɔ fɔbz zaadɛ eerɛ wɔ ɓooya̧a̧: a za̧a̧nyɔ ɗɔbs nambhɛtum bɔ hi riitinsɔ bɔ hi wɔ̄mɔ̄, gi dag gbɛɛtɔ gi ti̧i̧l du, zaabe a gi naan muul hɛw, gi yɔ̧ Bɛt nɔɔtigɔ ha̧a̧l bumɔ hob bɔ hi wɔ̄ɔ̄n mɛm gɛ, hi kpel a nɔɔtigɔ dakwaa bɔ gedu. Gi ha̧a̧ya̧a̧r a laazɛŋk du hi laa-uus ha̧a̧l du a Bɛt walɛsɛrɛ gaatɛ wɔ hi muutdu hi a Tamwaa bɔ gi muutdu. Ya̧a̧rhantya̧ bɔ uusɔ gi waa uuk a bɛtha wɛlɛ hi wɛlɛ. Za̧a̧nyɔ ɗɔbs nambhɛtum bɔ hi muulɔ bɔ hi wɔ̧mɔ, zaabe gi dag gbɛɛtɔ, taa holk nɛ zaŋ, gid yɛmsɛ, gid lurko, taa holko.

Mi wɛɛ mi see mi gbɛn Tamwaa bɔ gi erk a Siyona gol ha. Dood duk tɛmɛrɛ daa dumbili nasɔ hi duk nasɔ (144.000), hi gi hi giya, hi gin nuŋgɔ hi Baatɔ nuŋgɔ bi̧i̧k a hi ti̧i̧l du.

Mi wɛɛ mi gbɛn Bɛtwalsɛr za gi riŋk bɛtha hɛmltɔnɔ, gin Dɔgl Rɔb yɔ gɔ gi waa faa an gi dɔks dood wɔ hi waak hɛbtdi, a waal wɔ hi gi sɛw gedu, a dood dɔ̧ɔ̧t teesdu sɛw, a dood ya̧a̧boon du sɛw, hi dood hɛbtyaadɛ sɛw.

Bɛtwalsɛr za eesim bɔ wɛɛ fɔbz Bɛtwalsɛr biitir bɔ gi dɔko: a waal gbɔɔl bɔ Baabila ɛ̧ɛ̧bɔ, ɛ̧ɛ̧bɔ! Gii yɔ̧n nɛ waal wɔ hɛbtdi sɛw zɛlkɔ ha̧a̧l bɔ bumɔ hob bɔ.