Popular Bible Verses from GALATIYA 5

Share

Yɛrɛ hinyɔ fu̧u̧z a Bɛt Mɔkilɔ tɛŋk du an tɛ̧ɛ̧huml yɔ gi tuuk a tɛ̧ɛ̧nɔɔ muul gɛrɛ: ha̧a̧tigi, hato, boolumi, hinmɔŋki, rɔbgɔki, kpoosrɔbo, ɗɔbsigi, zultiisigi, hi zul-wa̧a̧ki. Maakdɔgl zayɔ gɔ gi a̧a̧n hin wɛrɛ wookɔ, taaro.

Yɛrɛ mi gin raako: a ɔɔn Bɛt Mɔkilɔ gi kaŋk waabil nɛ, bɔnɛ ta̧a̧ hinyɔ ɗɔkum nɛ ha̧a̧l wɔ hi ɗɔkingo.

Wɛ dag ma za̧a̧tig wɛ a Bɛt Mɔkil bɔ ge, ɗɛwɛ ɛmb hi Bɛt Mɔkil bɔ be.

Za̧a̧nyɔ wɛɛ Yeesu Kristu dooɔ, do̍o̍ ɗɔkum ha̧a̧l wɔ sɛw a Yeesu dɔ̧ɔ̧rha an hi wagɔ.

Mɔkil ha̧a̧l wɛ woosya̧ hi gi a lɔlgbar gaattɔnɔ gɛrɛ: an mansi, ɓi̧i̧limi, seemha̧a̧lɛ, maakɗɔbsigi, tɔɔsɛ, lɔlhɛ̧ɛ̧ki, gābsɛ, kublɛ, nɔɔtigi, gbaato, ya̧a̧gɛ̧ɛ̧ki, ya̧a̧faltingo, zulgbɔŋki, bumwɔ-niki, hi zɛlk ha̧a̧lɛ, hi hin zaadɛ wɔ hi riitin an hin wɔrɔ. Yɛrɛ mi raasinɛ anyɔ mi da mi raasin amntɔnɔ, zɛnɛ wɔ hi wook hin wɛrɛ hi taa Bɛt wáátɔ dako.

Yɛ̧ɛ̧dɛ mi wɛ, Bɛt el nɛɛ an nɛ dag zul nɛ aakil du. Yɛrɛya, anyɔ nɛ dag zul nɛ aakil du, bɔnɛ ɔɔ ɗɔkum ha̧a̧l nɛ wɔ hi ka̧n a gbɔnɔ ha̧a̧l du anyɔ ha̧a̧hi. Taa anbɔ. Wootinnɛ woos hi hat gbɔɔlɛ.

Ya̧a̧nɛ ɗɔkum nɛ ha̧a̧l wɔ hi ɗɔkingo hinyɔ Bɛt Mɔkilɔ ha̧a̧g nɛ gɛ zaŋ giya, wɛɛ Bɛt Mɔkilɔ bɔ gi ɗɔkingo hinyɔ mɔkil nɛ ha̧a̧l wɔ ha̧a̧hi nɛ gɛ zaŋ be. Bɛt Mɔkilɔ bɔ hi ɗɔkum ha̧a̧l nɛ wɔ, hi eerɛ, hi lɔlhɛ̧ɛ̧tingo. Yɔ anbɔ nɛ ɗɛ̄ɛ̄ an nɛ woo hinyɔ ha̧a̧n wook ma gɛ.

Ya̧a̧nɛ, Bɛtmaakdɔglɔ ɛ̄r hinza eer gɛ, gɛ a gi ha̧a̧mɔ namɔza ge an zul mɔ kpɔd.

Bɔwɛ pɛɛ zulɛ, bɔ hin gi nɔɔtinwɛ, bɔwɛ gɔtin ka̧a̧si. Bɔ hin wɔrɔ lab gigi wɛ teesdu nɛ zaŋ.

Kristu tuus zul wɛ a Muusa maakdɔgl bɔ wɛ waak nɛ gedu an wɛ dag zul wɛ aakil du hi rɔbo. Oon zul nɛ nɛ er bɛttɔnɔ, bɔnɛ ɔɔ doo za gi wɛɛ gi ha̧bsin gbɔŋgil durk du ɓɛ gi wɛɛnin gbaarɛ.