Popular Bible Verses from 1 TIMƆTE 1

Share

Dɔgl yɛrɛ gi dɔgl rɔb an doo yɔ gi sɛw gi ta̧a̧ gɛrɛ: a Yeesu Kristu zaa waal du an gi za̧a̧s hinha̧a̧lyaadɛyɔ. Mii gi hinha̧a̧lya yɔ daarlɛlɛ a hi tees du.

Hinyɔ Waar Bɛt mɛɛsim ya̧a̧r dɔŋgɔ ge gɛrɛ: ha̧a̧ge an Yeesu Kristu gi zuun hinmɔŋkɔ bɔ sɛw a mii yɔ mi gi hinha̧a̧lya gbɔɔl yɔ daarlɛl gi gbaŋgi, an hinɔ gi wɛɛs dood wɔ gɔ hi ɗɔbsige hi dag za̧a̧tig faa hinmɛɛnikya.

Dɔgl yɔ Bɛt gaawɛ hinɔ gɔ gi seeko: gɛ hat yɔ gi fu̧u̧zig a kpoos gaat du, a kpoos yɔ er gedu, hi a ɗɔbsig rɔb du.

Ɗɔbsigi hi gbɔlumsɛ hi gi a Bɛt ge faa hi faa. Gii gi wɛlɛ hi wɛl faa Waar i, taa wɔrkya, lɔl ɗɛɛg gbɛnikɔ gɛ, gi Bɛt gi gbunu. Aanbɔ.

Hɔnɛ wɛ mɛɛ a Bɛt gāā maakɔdɔgl a dood hinrɔbwookya wɔ hi zul gɛ, gaa dood Bɛtmaakɗa̧a̧kya wɔ, zulɓaatilya wɔ, dood wɔ hi ɗɔbs Bɛt gɛ, hinha̧a̧lya wɔ, dood wɔ hi hɛml hi Bɛto hi hinyɔ gi gaat a Bɛt muutdu sɛw, dood wɔ hi gbɔŋk baaya̧ hi naaya̧, dood zulgbɔŋkya wɔ, hi dood mansnaakya wɔ, walɛ wɔ hi naakmans hi nayza walɛ, dood gbaarzebtigya wɔ hi ya̧a̧gɔ̧ɔ̧nya wɔ, hi dood hindɛŋglikya wɔ hi ya̧a̧gɔ̧ɔ̧nɛ, hi dood wɔ hi gɔk hinzaadɛ wɔ hi gi dɔɔmi hi faak hingok rɔb gaat bɔ.