Popular Bible Verses from RÒMƐŊ 3

Share

ɓisuulɛ ɓɛ̀sɛ̀ɛ̀ ɓɛ̀cèm ɓɛ kighà kìɓe fɔlɔɔ nnɛ ɓɛ yin lɛ ɓɛ wuɓsɛ̀n rìkem ɗi Bɛ̀ll. Wɔ̀lɛ Bɛ̀ll, ɓi coo geesɛ̀n yìì, à ti à ghaasàg ɓɔ ɓum ɓɛ saaɗ, zɛy rì zɛy lɛ Yeesus Kiris ànɛ à mɛ kwèɗ ɓɔ ɓi rìkpàn.

kɛɛ ri rìkì ɗi Bɛ̀ll à ti à kìlàg lɛ ɓum ɓɛɛ ɓa lɛ saaɗ ɓi mis mii lɛ rìgherɛ̀n ɗi ɓɛ gherɛɛ Yeesus Kiris, kìɓan kiǹ ki ri ɓisuu ɓum ɓɛ̀cèm ɓɛ ɓɛ gherɛɛ; ǹlànag wu ki yin miì

Yeesus ànɛ̀n nnɛ Bɛ̀ll à fèkà lɛ a ɓa roànɛ à rì ɓiì sòo ɓiɓe ɓi ɓum rì bwaɓ yii ɓi bee ì rìgherɛ̀n; à kìghà fɔlɔɔ lɛ a resi saaɗ wìì ɓisuulɛ, à càɗkà ɓum kɛ̀ɛ fa ɓɔ deɓ ɓi ɓìɓe ɓi ɓɛ kikìghà abɛ̀y, cààmɛ̀n ki à ɓaghà di à ka kɔn ɓi lɛ bim yiì yɛ̀ɛ resɛ̀n. Nni ɓi cààmɛ̀n ki tì ti ki miì Bɛ̀ll a rèresi saaɗ wìì, lɛ a kɔ̀nkɔn lɛ, ɓɛɛ yi lɛ à rì lɛ saaɗ, à ki kì lɛ ɓum ɓɛ̀cèm ɓɛ ɓɛ gherɛɛ Yeesus, ɓɛɛ ɓa lɛ saaɗ ɓi mis mìì.

Ɓisuulɛ ŋwàdɛŋ àa ghɛnɛn ɓi lɛ saaɗ ɓi mis mɛ Bɛ̀ll, lɛ à ɓègà ɓìɓan ɓi ɓìdɔ̀gsɛna ɓyɛɛ̀ kpaakpàà; ɓìdɔ̀gsɛna ɓyɛɛ̀ ghɛɛghɛɓsì lɔŋ mum lɛ a yi lɛ à kìi kìɓe.

Lɔŋ yɛ̀ɛ ki ri kìkànɛn lɛ: Ŋwaà saaɗ à yin lɔŋ nsoò bog, Ŋwaà ɗyomzɛ̀n kɛ̀ɛ ɓa, nsoò ŋwaà ǹkaakaayɛn Bɛ̀ll kɛ̀ɛ ghɛnɛn. Ɓɛ̀sɛ̀ɛ̀ ɓɛ̀cèm ɓɛ ri ɓɛ̀ ɗimɛn bee, ɓɔɔ̀cèm ɓɛ ɓa ɓɛ̀ɓùùsɛn. Ŋwaà ǹkìkiyɛn kirɔɔ, kɛ̀ɛ ɓa lɔŋ, nsoò bog.

Lɛ ɓìsiì fèki lɛ mum à rì ɓi ghɛnɛɛ lɛ à rì lɛ saaɗ ɓi mis mɛ Bɛ̀ll lɛ rìgherɛ̀n, kìɓan kiǹ kɛ̀ kɛɛ̀ ɓa lɛ, rìɓèŋ ɗi à ti à ɓègì ɓìdɔ̀gsɛna.

Ɓi saaɗ ki yin fɔlɔɔ! Ɓum ɓɛ ghɛɛ̀sɛɛ kì gherɛɛ lɛ, Bɛ̀ll à rì roànɛ à ti à kpaaghì saaɗ, ɓum ɓɛɛ ri ɓɛ̀pwààpwaà ɓɛ̀sɛ̀ɛ̀ ɓɛcèm; lɛ ki ri kìkànɛn lɛ: Ki ghɛɛ̀sɛɛ lɛ ɓɛɛ yi lɛ ù rì mum à saaɗ ɓi ɓìɓan ɓi ù kalii, ù ki yagsag ɓɛyɔ̀m di ɓɛ sɔmɛɛ wɔ̀.