Popular Bible Verses from MAAHMAAHYADII 4

Share

Digtoonaan qalbigaaga u dhawr, Waayo, isagay noloshu ka soo baxdaaye.

Waddada cagahaaga aad ugu fiirso, Oo jidadkaaga oo dhammuna ha toosnaadeen.

Af qalloocan iska saar, Oo bushimo maroorsanna iska fogee.

Xigmaddu wax walbay ugu horraysaa, sidaas daraaddeed xigmadda doono; Wax kastoo aad hesho weliba waxgarasho doono.

Laakiinse waddada kuwa xaqa ahu waa sida iftiinka waaberiga oo kale, Kaas oo hadba soo kordha ilaa uu noqdo maalin cad. Jidka kuwa sharka lahuna waa sida gudcurka oo kale. Oo iyagu garan maayaan waxay ku turunturoodaan.

Xigmadda ha ka tegin, oo way ku nabad gelin doontaa. Jeclow, oo way ku dhawri doontaa.

Edbinta xajiso, oo ha iska sii deyn; Hayso, waayo, iyadu waa noloshaada

Waddada kuwa sharka leh ha gelin, Oo jidka xumaanfalayaashana ha qaadin.

Wiilashoy, aabbe edbintiisa maqla, Oo u jeesta inaad wax garataan.