Popular Bible Verses from MATTHIEU 26

Share

Ɛ̀nɛ̀ pɛ́m mɔ, ɛ̀nɛ̀ kɔ́fí Sɔ̧ wen ká weamɔ tɛɛ gan'nɛ. Taamɔ ko bíí kɔ̧ɔ̧ mɛ de mɔ, ɓɛɛ kiitɛ-wi kpa ŋgai na.»

A̧ tɔ̧ɔ̧ ha̧ wa: «See-am ɔ dita hee mi tɛ fe fee ga. Ɛ̀nɛ̀ yá hɛ̧ɛ̧, ɛ̀nɛ̀ pɛ́m mɔ in am.»

Nɛ́ mɔ'ɔ n'aa nɛɛ siti tikiɗi, ɓɛɛ a̧ hɔ̧fi̧ tik nù, ba sɔnti gu nù, ɓɛɛ kɔfi Sɔ̧ hee mɔ'ɔ ga: «Dáà kɔ‘m, kà ŋma yuwar nɛ́ boa, ɓɛɛ ɛ̀nɛ̀ bá be-ɗele-bɔnɛ'ɛ yinɛ zu'm. Ɓɛɛ bó hee mɔ'ɔ n'am kɔ̧a̧ ga na, ɓɛɛ nɛ́ hee ɛ́nɛ́ kɔ̧a̧ ga.»

mɔ'ɔ nɛ́ tɔk-tɛ‘m wan mɛ nɔɔ-tɔk wen o bíí nɛ̀ dɔka-a wen kpaa ea-ɗaŋmɔ. Tɔk’ɛ nɛ́ nɔɔ-tɔk ko Sɔ̧ in bíí.

Ŋgimbi nɛ̀ wa nyɔŋ nɛ́ mɔ, Jesu baa brɛt, de osoko ha̧ Sɔ̧, kɛ̧ ha̧ o ŋgaiwi kɔ‘i, ɓɛɛ tɔ̧ ha̧ wa: «Ɛ̀nɛ̀ bá ɛ̀nɛ̀ nyɔ́ŋ, mɔ'ɔ nɛ́ kiitɛ‘m.»

Nɛ́ mɔ'ɔ n'aa baa be-ɗele, de osoko ha̧ Sɔ̧, ha̧ ha̧ o ŋgaiwi kɔ̧-a̧, ɓɛɛ tɔ̧: «Ɛ̀nɛ̀ nɔ́ dam'nɛ́ lɛŋ

Nɛ́ mɔ'ɔ n'aa pia ɗoŋ, ɓɛɛ a̧ kpa o ŋgaiwi kɔ̧-a̧ fara ɔ yá, ɓɛɛ a̧ tɔ̧ ha̧ Pierre: «Ɛ́nɛ́ nyɛm mɛ́ nyaŋ yá tɛ ŋgimbi tikiɗi pɛm nɛ̀ mɔ in am na nde?

Mi tɔ̧ h’ɛ́nɛ́, mi beka nɔ yì waya-nyak-dɔ̧ɔ̧'ɛ ɓɔna hɔ wese n'am tɛ nɔ mbe-a in'nɛ̀ɛ́ tɛ Wan ko Dáà kɔ‘m yiwese mɛ.»

Tɛ̀ Pierre mbaŋa ɗoŋ wen nɛ̀ Jesu tɔ̧ɔ̧ so ha̧ a̧‘e: «Mɛ tɛ kaf'am war taar nɛti sɛka gata-kɔra hèé mɔ.» Nɛ́ mɔ'ɔ nɛ̀ Pierre gboo zan, ɓɛɛ hi̧i̧ kɔ̧a̧ nɛ̀ dita-see.

Ɛ̀nɛ̀ kúr, ɛ̀ɛ̀ yak! Wi-e-ɗɔra tɛ‘m hɔɔ kaɗi!»

Ɓɛɛ Jesu tɔ̧ ha̧ a̧: «Mɛ̀ pí̧ gba-paa kɔ-mɛ kɔ̧́ koɓo-a; wen kóó o ndé nɛ̀ dak gba-paa tɛ fe nɛ́ fio gba-paa.