Popular Bible Verses from ROMANEN 6

Share

Mor soo faɓe' moo soo dǝɓ ne ko wul o, amma gboŋgboŋ mai Masǝŋ mo joŋ ɓo, nyi cee ma ga lii nyi na, mor na tai ki ɓo ne Yesu Kristu Dǝɓlii mana.

Faɓe' ka ga yea ne swah tǝ ɓii ya, mor we ka mor ɓǝ lai ya, amma we mor gboŋgboŋ mai Masǝŋ mo joŋ ɓo.

Ne baptisma man ciira na ge ɓo pǝ pal ne Kristu ka na yea na wul ne ki. Mor tǝgbana Kristu mo ur gin pǝ wul kǝsyil za ma wul ne swah ne yǝk Pamme, ana laŋ kal man ga fer yea pǝfuu ta.

We soɓ fan suu ɓii ka joŋ faɓe' tǝgbana fan yeɓ ma joŋ faɓe' yo ka. Amma we nyi suu ɓii nyi Masǝŋ tǝgbana za mai mo yea wuk ɓo mo so syemra ɓo, we nyi suu ɓii nyi Masǝŋ mor yeɓ ah tǝɗe' tǝgbana fan yeɓ mai mo mor ka joŋ fan masãhe.

Na tǝ ɓǝ mai ɓe: zahzyil mai na yea ne ko kǝpelle, wǝ ne Yesu Kristu tǝ kpuucee ɓe, mor ka suu man ma joŋ faɓe' mo muŋ, mor ka na so yea byak faɓe' kao.

Awe laŋ we kwo suu ɓii na wul wo faɓe', amma we kwo suu ɓii na za ma ne cee pel Masǝŋ tǝki vaŋno ne Yesu Kristu.

Na ga faa ɗǝne? Na ga joŋ faɓe' pǝlli ka Masǝŋ mo joŋ gboŋgboŋ pǝlli ta ne? Ka nai ya! Na wuk ɓo wo faɓe' o, a so joŋ ɗii ka na syee ne joŋ faɓe' kpǝ ne?

We tǝ ɓe, ne cok we soɓ suu ɓii nyi dǝɓ ki mor ka laa zah ah ɓe, ka awe ciŋ byak dǝɓ mai we soɓ suu ɓii ɓo nyi ka laa zah ah ɓe, koo mo mor ɓǝɓe' ma ga pǝ wul ne dǝɓ yo, wala mo mor laa zah ma joŋ fan matǝ njaŋ pel Masǝŋ yo daŋ.

Amma osoko wo Masǝŋ, mor daga ɓaaɓe we yea tǝ joŋ byak nyi faɓe', zǝzǝ̃ǝko we tǝ laa zah goŋga mai mo cuura ɓo we ne zahzyil ɓii daŋ. Masǝŋ wǝǝ we gin jol faɓe' ɓe, we so ciŋ byak joŋ fan matǝ njaŋ ɓo.