Popular Bible Verses from Baroma 14

Share

ngobe bushe gwe Ndzimu ate guli kuja ne kung'wa, koga nge gwe ndulamo ne kunyalala ne kushatha mu Meya yakayengemala. Ndizo iye unoshingila Kirisiti nge zila yakajali, unoshathisa Ndzimu kakale unokudziwa nge bathu.

Ha titjila totjilila She, ha tifa tofila She. Ndizo kene titjila kene tifa, ti ba She.

Ngatitjisalani shule tjimwe ne tjimwe tjinothama kunyalala ne kubhatshana mu kusimisana.

Ndizo ngatimiseni kusumikilisa, koga tisitongo zwimisila kubiga mu zila ye ikamu tjedu tjimwe tjingatjikutha kene tjingandzinganyidza.

Ngobe kwakakwagwa kukayi, “Nge malebeswa ha nditjila, kojalo She, mmwe ne mmwe unowondithigamila, ne mmwe ne mmwe unowoleba kuti ndi Ndzimu.” Mmwe ne mmwe wedu unowozwidabiligwa ku Ndzimu.

Amutjilani nthu usakasima mu kugalamoyo, koga musikakabadzane naye ngekwe mikumbulo iye.

Uani iwe kubona nlandu nlanda we mmwe? Tetshi uwe ndiye unowobona kuti kene unopundula kene unokong'wa. Ngono unowopundula, ngobe Ndzimu uwe unotubula kunthama kuti apundule.