Popular Bible Verses from Bafilipi 2

Musishinge tjimwe nge kuzwikumbulila koga kene kuzwikudza, koga mu kuzwiyisa pasi, tolani kuti bamwe banoyita pamuli. Mmwe ne mmwe wenyu ngaasilinge zwinonshathisa koga, koga ngaalinge ne zwinoshathisa bamwe.

Ibeni ne njalakang'wa edzi mu muli, idzo dzamunadzo muna Kirisiti Jesu

Iye wakati ali Ndzimu, kasitole kulizana ne Ndzimu, ili tjimwe tjingagala tjakanamatigwa koga wakasiya kose kukwe, kangina mu bulanda kabe mutjifano tje bathu. Ngono kati awanika ali mu tjifano tje nthu kazwiyisa pasi, kabe unohwa kudzina engina mu lufu, igo lufu mu tjileyanyo dumbu.

ngobe Ndzimu unoshinga mu muli, kuthama kuti mutubule kushingila ne kushaka kushathisa iwo.

Ndizo Ndzimu wakammilidzila pezhugwi kwazo, ukampa zina lipezhugwi, zina linopinda limwe ne limwe, kuti ndizo nge zina la Jesu zwidwi zose zwithigame, kudzimu ne mu shango na pasi, ne lulimi gumwe ne gumwe gulebe, kuti Jesu Kirisiti ndi She, kukudza Ndzimu Tate.

Shingani tjimwe ne tjimwe musingang'ong'ole kene kuli kukakabadzana, kuti ndizo musibe ne nlandu, mube babuyanana, muli bana be Ndzimu basina itoyi pakati kwe tjizekugwana tjakakombama tjakabipa kwazo. Mopenya pakati kwabo, muli tjedza mu shango

Ndizo badiwa bangu, sekwa magala mundihwa, kusi ndili yapo koga ne mu busipo gwangu mundihwe kupinda, mushingile tjidziwa kwenyu nge kutja nenge kutetema