Popular Bible Verses from Mbalo 14

Share

Koga musitongopandukila Yahwe, kakale musitongotja bathu be shango iyeyije, bamu maboko edu, kubakiligwa kwabo kwakadusiwa mubali, kakale musitongobatja, Yahwe banaswi.”

‘Yahwe banononoka kuzhala bushongola, kakale bazhele ludo gusingazunguzike, banozwiibhatigwa jinyo ne bupanduki, koga abatowosunungula una nlandu ndodwa, banolobela bana matjinyo abo tate babo kunoti ku tjizekugwana tje butatu ne tje bunna.’

Ha Yahwe bangatishathila, banowotikotosa muili bakatipa iyo, shango inowunga nkaka ne butji gwe nyutji.

Koga nlanda wangu Khalebu, ngoti akabe nge meya isingafanane neye bamwe kakale kandihwilila, ndononkotosa ku shango yaakanoshola, ne zwizekugwana zwizwe zowothuwa shango iyeyo.

Ngwenu ubadwe uti, ‘Tjoselele se nditjila, ndowomuthamila sekwa makaleba mulonga mu zebe dzangu, koleba Yahwe.

Yahwe bakadwa Mushe bakati, “Apa kowodza kukabe lini bathu ibaba bendilengudza kene? Kowodza kukabe lini basingagale moyo mundili, pezhugwi kwe zwilakidzo zose zwingapa zwandakabathamila kene?

Bakabe beng'ong'ola ngekwa Mushe na Aroni beti, “Kobe kuyita atakabe takafila mu shango ye Egipiti, pana kuti tiwofila mu tjilambanyika itjetji!

Ngono Joshuwa nkololo wa Nuni na Khalebu nkololo wa Jefune, bamwe be bakabe banoshola shango, bakapalula zwiambalo zwabo. Bakadwa gubungano lose le Baiziraela bakati, “Shango yatakapalama kunoishola i shango yakanaka kwazo kwazo.

koga tjoselele se nditjila, ne shango yose sekwa yawozhala gudzo langu, Bathu bose bakabona gudzo langu ne zwilakidzo zwangu zwandakathama mu Egipiti ne mu tjilambanyika, ngono bakandilika ka gumi bakasihwilile dama langu, Akuna wabo unowobona shango yandakagadzabgwe bobatategulu babo, kakale akuna wa ibabo bakandilengudza unowoibona.