Popular Bible Verses from Matama 28

Share

“Ngono ha uhwa Yahwe Ndzimu uwo, una njele kulondolodza milayo yabo yose yandinokupa mu zhuba lino, Yahwe Ndzimu uwo banowokumilidza ukabe pezhugwi kwe njudzi dzose dze shango.

Ngono makombolelo wose iyawa anowozha kukuli akawanda ha uhwa hwi la Yahwe Ndzimu uwo

Yahwe banowokuthama kube nsholo, abatowokuthama kube mwise ngono unowokulila pezhugwi koga autowobuyila pasi, ha uhwa milayo ya Yahwe Ndzimu uwo iyeyi yandinokupa nasi mu zhuba lino una njele kuyithama

Yahwe banowokuzhulila kudzimu dula labo le fumwa, kukupa vula mu shango nge nsi wayo ne kukombolela mishingo yose ye maboko awo ngono unowoadzima njudzi njinji, koga iwe aatowoadzima.

“Yahwe banowothama kuti zwita zwizo zwinokumukila uzwikunde, zowozha nge zila ing'ompela zwikakutizha nge zila dzili kutendeka.

Yahwe banowozhisa makombolelo mu matula awo ne mu tjimwe ne tjimwe tjaunothama, banowokukombolela mu shango iyeyi yaunopiwa ndi Yahwe Ndzimu uwo.

Unowokombolegwa ha ungina ukakombolegwa ha ubhuda.

“Unowokombolegwa mu nzi nkulu, ukakombolegwa mu shango.

Ntjelo we mbili unowokombolegwa ntjelo we mavu awo anowokombolegwa ne ntjelo we phuka dzidzo ne kuwanda kwe ng'ombe dzidzo ne ngubi dzidzo.

Yahwe banowomuthumbidza se bathu babo bakayengemala kubali, sekwa bakatuna kumuli ha mulondolodza milayo ya Yahwe Ndzimu wenyu kakale muyenda mu zila dzabo.

Zwitundu zwizo zowokombolegwa ne zwivangilo zwizo zwe tjiwunga.

Yahwe banowokupa kuwanda mu ntjelo we mbili uwo nemu ntjelo we ng'ombe dzidzo nemu ntjelo we mavu awo mu shango iyo Yahwe yabakatuna kuna bobatategulu babo kumupa iyo.

Ngono bathu bose be shango banowobona kuti iwe unodang'wa nge zina la Yahwe, ngono banowokutja.

usingapambukile ntome kwe limwe le matama andinokupa mu zhuba lino, uyenda ku luji kene ku lumeshwe uyenda ku imwe midzimu kuyishingila.”

“Koga ha ungasahwa hwi la Yahwe Ndzimu uwo kene ungasabe ne njele kushinga milayo yabo yose yandinokupa mu zhuba lino, ipapo bhiso lose ileli lowozha kukuli lakakukulila.