Popular Bible Verses from Matama 11

Share

Muidiye bana benyu, mulebe nge kwayo muligele mu ng'umba dzenyu ne muyenda mu zila ne mulala pasi ne mumilika.

“Ndizo wali mulonge matama angu iyawa mu moyo wenyu nemu meya yenyu, muasungilile mu maboko enyu tjili tjilakidzo ne mu phazha dzenyu.

“Ngono ha mungahwa milayo yangu iyo yandinomupa nasi mu zhuba ileli, kuda Yahwe Ndzimu wenyu ne kubashingila nge moyo wenyu wose nenge meya yenyu yose, ipapo banowonisa vula mu minda yenyu nge tjibaka tjayo, vula ye ntovudzo neye tjibodza mashanga kuti muvune mathunde enyu muwane nkumbi we zhambi ne mafuta.

“Ude Yahwe Ndzimu uwo uthame tjabanoshaka, ulondolodze milayo yabo misi yose.

“Bonani, ndobiga makombolelo ne bhiso mbeli kwenyu mu zhuba ileli, makombolelo ha muhwa milayo ya Yahwe Ndzimu wenyu iyo yandinomupa zhuba lino, bhiso ha musingahwe milayo ya Yahwe Ndzimu wenyu koga mupambuka mu zila yandinomupa zhuba lino mutobela midzimu mimwe yamusakatongo ziba.

Muikwale mu makwasayile e mikoba ye ng'umba dzenyu nemu zwizhalilo zwe mikoba ye mizi yenyu kuti mazhuba enyu ne e bana benyu awande mu shango Yahwe yabakatuna kuna bobatategulu benyu kubapa iyo ha kudzimu ku tjipezhugwi kwe shango.

Mube ne njele moyo wenyu usitongo tjengedzeka mube mupambuka mushingila midzimu mimwe mube muinamata