Popular Bible Verses from Matama 10

Share

“Ndizo ngwenu wali, Iziraela, Yahwe Ndzimu uwo banoshakani mukuli, banoshaka kuti utje Yahwe Ndzimu uwo, utobele zila dzabo, ubade, ushingile Yahwe Ndzimu uwo nge moyo uwo wose nenge meya iyo yose, ne kulondolodza milayo ya Yahwe yandinomupa zhuba lino kuti kukululwamile.

Ngoti Yahwe Ndzimu uwo Ndzimu we midzimu na She wa boshe, bankulu, bana masimba ba Ndzimu wakabangalala usina shalawulo usinga amutjile tjizwimbanlomo.

Ndizo wali lulwamisa moyo uwo uletje kusahwa.

Banobhata siyang'wa ne tjilikadzi ngekwakatambunuka kakale banoda ntaya, banompa zojiwa ne zwiambalo.

Ndibo gudzo lilo, ndibo Ndzimu uwo bakakuthamila zwithu izwezwi zwikulu zwakabangalala zwawakabona.

Utje Yahwe Ndzimu uwo, ubashingile uzwibhatilile ndibo ngono utune nge zina labo.

Bona, kudzimu ne kudzimu kwe zhuzhugwi ne shango na zose zwimuili ndezwa Yahwe Ndzimu uwo.

Ndizo wali ida ntaya ngoti nawe wakabe uli ntaya mu Egipiti.