Popular Bible Verses from 2 REYES 2

Share

Che' c'axemobix ti ja', Elías tsi' sube Eliseo: C'ajtibeñon chuqui yom mic melbeñet che' wʌ'to añon, come lac Yum mi caj i pʌyon majlel, che'en. Eliseo tsi' jac'ʌ: Aq'ueñon i p'ʌtʌlel quespíritu lajal bajche' a cha'an, pero cha'yajl i ñumel com, che'en.

Che' temel woliyob ti xʌmbal, woliyob ti t'an. Ti ora tsa' jubi tilel carreta tujc'ʌbil bʌ i cha'an caballo, che' yilal bajche' c'ajc. Ya' tsa' c'oti ti' yojlilob. Che' jini tsa' t'oxleyob. Jini sutujt ic' tsi' pʌyʌ majlel Elías ti panchan.

Elías tsi' jac'ʌ: Wocol jini woli bʌ a c'ajtin, pero mi tsa' q'ueleyon ba' ora mic pʌjyel majlel, mux a wʌq'uentel. Mi ma'anic tsa' q'ueleyon, ma'anic mi caj a wʌq'uentel, che'en.

Tsi' lotbe i bʌjq'uil Elías tsa' bʌ yajli ti lum. Che' jini tsa' cha' majli ti' ti' Jordán ja'. Tsi' c'ʌñʌ i bʌjq'uil Elías cha'an mi' jats' jini ja'. Tsi' yʌlʌ: ¿Baqui an lac Yum i Dios Elías? che'en. Che' bʌ tsi' jats'ʌ jini ja', tsi' t'oxo i bʌ. Che' jini tsa' c'axi Eliseo.

Che' bʌ tsi' can q'uele Eliseo, c'am tsi' cha'le t'an: C tat, c tat. Awilan i carreta Israel yic'ot xñijca carretajob, che'en. Tsa' sʌc jili. Ma'anix tsi' chʌn q'uele. Tsi' ch'ʌmʌ i bʌjq'uil. Tsi' jet' tsili ti ojlil.

Elías tsi' ch'ʌmʌ i bʌjq'uil. Tsi' pʌcula. Tsi' c'ʌñʌ i jats' jini ja'. Che' jini tsi' t'oxo i bʌ jini ja'. Tsa' c'axiyob ba' tiquin.

Lac Yum tsi' ña'ta c'otemix i yorajlel cha'an mi' pʌy letsel Elías ti panchan ti sutujt ic'. Tsa' loq'uiyob ti Gilgal Elías yic'ot Eliseo.