Popular Bible Verses from METIAS 26

Mombaʼan a yeʼelaʼan, nalé mia ye bo te nyiin e mebôbelaʼa été; mfaʼa wu nsisim ô ne ngu, mfaʼa mbok minsôn mi ne atek.

Nye be na: Nsisime wom wo wôʼô ôlun étua abui a kui awu; likaʼane va a mombaʼan fufulu a ma.

Nde a subu ôsu mone nté, ve ku asu dé é butu si, a nga yeʼelan a jôʼô na: A Esaa wom, nge é ne ngule ya bo nalé na élaé ji é ke ma ôyap; ve da saa ane ma kômbô ve ane wo kômbô.

jôme ji é ne metyi mam yʼélat asu jama bôt, mme me nga sôéban asu njamane mam abé .

Be jaʼak, nde Yésus a nyoñe fembé a éyoñ a maneya botane je, a nga beʼe je a ve je beyéʼé nye na: Nyoñan, jaʼan, jôme jina é ne nyôle jam.

Eyoñ a nyoñeya élaé a ve akéva, a nga kalane be je a jôʼô na: Nyaʼan élaé ji bese

Ve zu mfaʼa beyéʼé be mbe a koone be ôyo, nye na: A Pierre nalé a ne na mi nji bi ngule ya mombô fufulu a na toʼo ve awolo da?

Ma jô mia bebela na: Ataté éyoñe ji, ma ye bo te beta nyu jôme ya ébuma ndiʼi ji, akekui e môse bia be mia bia ye nyu je mfefé éjôé Esaa wom.

Ane Pierre a nga simesane nkobô Yésus a nga kobô na: Te na nnôme kup a loñ, wo ye kate ma biyoñe bilaa; nde a nga kui atan a dañe yi.

Kôlaʼane si! Nkean! Mi lôô môt a koñe ma a soya.

Nde Yésus a nga jô nye na: Some nkpwaté mekône wôé e vôme wé; amu ba bese ba nyoñe nkpwaté mekôn, ba ye fe wu ve a nkpwaté mekôn.