Popular Bible Verses from Marik 7

Share

Kayam ni krovo kur sana ba, djib’er ra tchod’a, e’eûd’a, kula, tchi matna, mizeuna, d’od’oka, murud’umba, á mbut ira, batranga, yungôra, á ngul suma, yam mba ad’enga, ki lilid’a a buzugi ni kua. Ahle suma tcho ndazina pet a nga buzugi ni krovo kur sana ba, a mbud’um ndjendjed’a.

Vama abu ata sama ma kal kuruma mi ndak á mbud’um tchod’a d’i. Wani ni vama ndeï woi kur sanina ba, mi mbud’um ndjendjed’a. [

Jesus mi hulong dazi ala: Suma lop ira, ma djok vun Alona Isai mi djok vun ma gagazina kagi kur mbaktumba hAlonid’a ala: Sum ndazina a nga hun ni ki vunazi hawa, wani huruzi woi dei ki sed’enu.

A nga kud’uron ni ki vunazi hawa yak, kayam hat ta azi nga hat ki sumid’a ni vun ma hed’a hi sumina.

Jesus mi dazi kua ala: Agi aragi gata hAlonid’a woi ta, wani agi vagi ni hata hi sumid’a.